16.01.2026 | 10:01
Արտարժույթների փոխարժեքները՝ հունվարի 16-ի դրությամբ
Գերմանիայում ներգաղթի ռեկորդային ցուցանիշ է գրանցվել
Քաղաքականություն
27.06.2023 | 15:10
Գերմանիայում ներգաղթի ռեկորդային ցուցանիշներ են գրանցվել: Վիսբադենի դաշնային վիճակագրական ծառայությունը հայտնել է, որ 2022 թվականին 2 միլիոն 666 հազար մարդ է մուտք գործել երկիր՝ բնակության։ Նույն ժամանակահատվածում Գերմանիայից հեռացել է 1,204,000 բնակիչ, գրում է DW-ի ռուսական ծառայությունը։
Այսպիսով, հաշվետու ժամանակահատվածում ժամանողների և մեկնողների տարբերությունը կազմել է գրեթե 1,5 մլն մարդ։ Սա ավելի քան չորս անգամ ավելի է, քան 2021 թվականին, երբ ներգաղթողների թիվը Գերմանիայում 329 հազարով գերազանցեց արտագաղթողների թվին, և ամենաբարձր մակարդակը 1950 թվականից ի վեր՝ նման վիճակագրություն վարելու սկզբից:
2021 թվականին, Դաշնային վիճակագրական ծառայության տվյալներով, 1,323,000 մարդ մուտք է գործել Գերմանիա՝ ապրելու, 994,000 մարդ լքել է երկիրը:
Նշվում է, որ ներգաղթի ոլորտում ցուցանիշների թռիչքը կապված է առաջին հերթին պատերազմից պաշտպանություն փնտրող ուկրաինացիների հոսքի հետ։ 2022 թվականին այս երկրից Գերմանիա ժամանել է 1,1 միլիոն քաղաքացի, իսկ 138,000 ուկրաինացի լքել է Գերմանիան։ Ուկրաինացիների ներհոսքի գագաթնակետն ընկել է 2022 թվականի մարտից մայիսն ընկած ժամանակահատվածում։ Սրա հետ մեկտեղ, օգոստոսից Ուկրաինայից Գերմանիա մուտք գործածների թիվն անշեղորեն նվազում է։
Տաթև Ֆռանգյան
