26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
«Վագները» պատրաստվում է ծանր զինտեխնիկան փոխանցել ՌԴ ՊՆ-ին
Քաղաքականություն
27.06.2023 | 15:27
ՌԴ ՊՆ-ն հայտնում է, որ սկսվել են «Վագներ» մասնավոր ռազմական խմբավորման ծանր զինտեխնիկայի փոխանցման նախապատրաստական աշխատանքները, փոխանցում է Ինտերֆաքսը։
«Ներկայում նախապատրաստական աշխատանքներ են տարվում «Վագների» ծանր տեխնիկան Ռուսաստանի Դաշնության Զինված ուժերի ստորաբաժանումներին փոխանցելու համար»,- հայտնել է ՌԴ պաշտպանական գերատեսչությունից։
Հիշեցնենք, որ «Վագների» զինյալները ղեկավար Եվգենի Պրիգոժինի գլխավորությամբ ապստամբություն էին սկսել և հունիսի 24-ի գիշերը մտել Դոնի Ռոստով, այնուհետև շարժվել դեպի Մոսկվա, բայց չէին հասել մայրաքաղաք։ Հունիսի 24-ի երեկոյան Պրիգոժինը հայտարարել էր, որ Բելառուսի նախագահ Ալեքսանդր Լուկաշենկոյի հետ բանակցություններից հետո «հետ են դարձնում իրենց շարասյուները» և «հեռանում են դաշտային ճամբարներ՝ պլանի համաձայն»։
Ավելի ուշ հայտնի դարձավ, որ Պրիգոժինը մեկնելու է Բելառուս։ Ըստ որոշ տեղեկությունների՝ Պրիգոժինը արդեն գտնվում է Բելառուսում։
Էմմա Չոբանյան
