11.01.2025 | 17:18
Մարգարա-Վանաձոր-Տաշիր ավտոճանապարհին բախվել են ավտոմեքենաներ․ կան տուժածներ
Պրիգոժինի բիզնես-ջեթը, հնարավոր է, վայրէջք է կատարել Մինսկում․ Беларускі Гаюн
Քաղաքականություն
27.06.2023 | 11:26
«Վագներ» ռազմականացված խմբավորման հիմնադիր Եվգենի Պրիգոժինի անձնական ինքնաթիռը վայրէջք է կատարել Մինսկի մոտ գտնվող Մաչուլիշչի ռազմական օդանավակայանում, գրում է «Беларускі Гаюн» մոնիտորինգային նախագիծը:
Ըստ աղբյուրի տեղեկությունների՝ Պրիգոժինի բիզնես-ջեթը վայրէջք է կատարել տեղական ժամանակով ժամը 7։40-ին, իսկ օդ է բարձրացել Սանկտ Պետերբուրգից։
Նախօրեին ՌԴ նախագահ Վլադիմիր Պուտինը նոր հեռուստաուղերձում հայտարարել էր, որ ոչ միայն Պրիգոժինը, այլև նրա «Վագներ» խմբավորման վարձկանները կարող են մեկնել Բելառուս, եթե չհամաձայնեն միանալ ՌԴ պաշտպանության նախարարությանը կամ ավարտել զինվորական ծառայությունը։
Նախօրեին չհաստատված տեղեկություններ կային Բելառուսի տարածքում Պրիգոժինի կամ նրա վարձկանների առկայության մասին։ «Беларускі Гаюн» նախագիծը կասկածներ է հայտնել այս մասին.
«Երկու ժամ առաջ Կրեմլի ռազմականամետ Telegram ալիքները հայտնեցին, որ «Վագների» ստորաբաժանումները զենքի և ռազմական տեխնիկայի հետ միասին մտել են Բելառուսի տարածք։ Մինչ այժմ բելառուսներից ոչ ոք չի տեսել մեր երկրի տարածքում գտնվող «Վագների» շարասյունը»։
