16.05.2026 | 13:33
Ալիևի հետ պայմանավորվեք, գրավոր տպեք, ցույց տվեք, որն է խաղաղությունը. Գագիկ Ծառուկյան․ ՏԵՍԱՆՅՈՒԹ
ՌԴ-ում շրջանառվում են Շոյգուին և Գերասիմովին հնարավոր փոխարինողների անունները
Քաղաքականություն
26.06.2023 | 19:12
Ռուսական ռազմականամետ Telegram-ալիքներում հաղորդագրություններ են հայտնվել այն մասին, որ Տուլայի մարզի նահանգապետ Ալեքսեյ Դյումինը կարող է փոխարինել Սերգեյ Շոյգուին պաշտպանության նախարարի պաշտոնում։ Շոյգուի հրաժարականը պահանջել էր Պրիգոժինը, գրում է Մեդուզան։
Նշանակումը, ըստ աղբյուրների, պետք է տեղի ունենա մոտ ժամանակներում։ Դյումինի հետ կապված գրառումներ են հայտնվել նաև «Վագներին» մոտ կանգնած ալիքներում, օրինակ՝ Grey Zone-ում, իր հերթին գրում է «Верстка»-ն։
Որոշ հրապարակումներում էլ պնդում կա, որ Վալերի Գերասիմովի փոխարեն Գլխավոր շտաբի պետ կարող է դառնալ Սերգեյ Սուրովիկինը, գրում է Astra-ն։
Բացի այդ, Z-channels-ը սկսել է զանգվածաբար վերահրապարակել Տուլայի շրջանի կառավարության պաշտոնական ալիքի հաղորդագրությունն այն մասին, թե ինչպես է Դյումինն այցելել համանուն «Տուլա գումարտակի» տեղակայման վայր:
