07.10.2026 | 23:48
Արթուր Դանիելյանը կալանավորվեց
Ուկրաինայում ռուս զինվորականների արդյունավետությունը կասկածի տակ է․ Բլինքեն
Քաղաքականություն
26.06.2023 | 20:11
ՌԴ-ում «Վագներ» ռազմականացված խմբավորման կողմից ապստամբության առաջացրած քաոսը հաղթահարելու համար շաբաթներ կամ ամիսներ կպահանջվի, մի շարք հարցազրույցներում այս մասին ասել է ԱՄՆ պետարտուղար Էնթոնի Բլինքենը, փոխանցում է Sky news-ը։
ԱՄՆ պետքարտուղարի խոսքով՝ լարվածությունն ամիսներով էր աճում, իսկ Ուկրաինայում ռուս զինվորականների արդյունավետությունը կասկածի տակ է։
«Մենք գիտենք, որ Պուտինը շատ բան ունի՝ պատասխան տալու առաջիկա շաբաթներին ու ամիսներին»,- ասել է նա CBS-ին։
Պատասխանելով հարցին՝ արդյո՞ք ԱՄՆ-ը պատրաստ է Պուտինի հնարավոր հեռանալուն և միջուկային զենքի անվտանգությանը, Բլինքենը նշել է․ «Մենք միշտ պատրաստ ենք ցանկացած իրավիճակի։ Մենք ոչ մի փոփոխություն չենք տեսել ռուսական միջուկային դիրքորոշման մեջ։ Մեր մոտեցման մեջ ևս որևէ փոփոխություն չկա։ Սակայն մենք շատ, շատ ուշադիր հետևում ենք դրան»։
