18.03.2026 | 11:46
Ոչ մի երկիր իրավունք չունի իր տարածքը տրամադրել այլ երկրների կողմից ագրեսիվ գործողությունների համար. Արաղչին՝ Բայրամովին
Թվային շուկաների մրցակցային հարցերը դարձյալ ՄՊՀ օրակարգում են. այս տարի ուսումնասիրվում է էլեկտրոնային փոխադրման ծառայությունների ոլորտը
26.06.2023 | 17:07
Մրցակցության պաշտպանության հանձնաժողովի, ԱՄՆ արդարադատության դեպարտամենտի, Լիտվայի մրցակցության խորհրդի համագործակցությամբ և Հայաստանում ԱՄՆ դեսպանության աջակցությամբ ԱՄՆ առևտրի դեպարտամենտի Առևտրային իրավունքի զարգացման ծրագրի (CLDP) շրջանակում Երևանում անցկացվել է «Մրցակցությունը Հայաստանի թվային շուկաներում. կարգավորում և կիրարկում» թեմայով երկօրյա աշխատաժողով:
ՄՊՀ անդամ Շուշան Սարգսյանը նշել է, որ ծրագրի շրջանակում արդեն երրորդ միջոցառումն է իրականացվում՝ փորձի փոխանակման և կարողությունների զարգացման նպատակով: Նա ընդգծել է, որ աշխատաժողովի համար խիստ արդիական թեմա է ընտրվել, քանի որ թվային շուկաների մրցակցային հարցերը լուրջ մարտահրավեր են ամբողջ աշխարհում և օրակարգային են նաև Հայաստանի մրցակցային մարմնի համար:
2022 թվականին հանձնաժողովն ուսումնասիրություն է իրականացրել էլեկտրոնային առևտրի ոլորտում, նախորդ տարի վարույթ է հարուցվել Booking.com հարթակի նկատմամբ, որի արդյունքում ընկերությունը բարելավել է պայմանները ՀՀ տնտեսվարողների համար: Այս տարի ՄՊՀ ուշադրության կենտրոնում էլեկտրոնային հարթակներով փոխադրման ծառայությունների ոլորտի խնդիրներն են:
ՄՊՀ ներկայացուցիչներն աշխատաժողովի ընթացքում ներկայացրել են թվային ոլորտներում իրականացված ուսումնասիրությունները: Ծրագրի փորձագետները խոսել են ԱՄՆ և Եվրամիության թվային շուկաներում իրավակիրառ փորձի և օրենսդրական կարգավորումների մասին: Քննարկվել են թվային շուկաներում մրցակցային իրավախախտումների պրակտիկ դեպքերի օրինակներ:
