07.10.2026 | 23:48
Արթուր Դանիելյանը կալանավորվեց
Դատավոր Դավիթ Հարությունյանը ԲԴԽ նիստին առանց փաստաբանների է ներկայացել
Հասարակություն
26.06.2023 | 15:18
Դատավոր Դավիթ Հարությունյանի փաստաբանները մասնակցում են գործադուլի և չեն ներկայացել Հարությունյանի կարգապահական գործի քննությանը: Դատավորը քիչ առաջ առանց փաստաբանների ներկայացավ ԲԴԽ նիստին:
Հիշեցնենք, որ հունիսի 23-ին տեղի ունեցած ԲԴԽ նիստին դատավորը հայտնել էր, որ փաստաբանները գործադուլի են մասնակցելու, իսկ ինքը չի կարող այլ փաստաբանների ներգրավել գործին, սակայն ԲԴԽ-ն հայտարարել էր, որ նիստը նախապես պլանավորվել է: Դռնփակ նիստն այժմ առանց փաստաբանների, ամենայն հավանականությամբ, շարունակվում է, քանի որ դատավորը ժամը 14:00-ին մուտք է գործել ԲԴԽ շենք և մինչև այս պահը ներսում է:
Նշենք, որ փաստաբանների մի մի մեծ ումբ այսօր փաստաբանների պալատի շենքից երթով շարժվել է Ոստիկանության Կենտրոնի բաժին, որտեղ բաժնի պետի համար բռնցքամարտիկի ձեռնոցներ են տարել: Գործադուլով փաստաբաններն իրենց դժգոհությունն են հայտնում ոստիկանական բաժանմունքում բռնությունների դեմ: Բողոքի ակցիային մասնակցող փաստաբանների մի մասը ոստիկանության շենքից եկել է Բարձրագույն դատական խորհուրդ աջակցելու դատավոր Դավիթ Հարությունյանին:
Արաքս Մամուլյան
