26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
«Սարսափելի է, որ կարող էի լինել այնտեղ»․ աշխարհի ամենաբարձր վարձատրվող YouTube-բլոգերը հրավիրված է եղել «Տիտան» սուզանավով ճամփորդության
Քաղաքականություն
26.06.2023 | 23:06
Յութուբյան հայտնի բլոգեր MrBeast-ը (իսկական անունը՝ Ջիմմի Դոնալդսոն) պատմել է, որ հունիսի սկզբին հրավեր է ստացել միանալու «Տիտան» սուզանավի անձնակազմին, որը շարժվում էր դեպի «Տիտանիկ» նավը, բայց արդյունքում խորտակվեց, գրում է Meduza-ն։
«Այս ամսվա սկզբին ինձ հրավիրել էին սուզանավով զբոսնելու, ես հրաժարվեցի: Մի փոքր սարսափելի է, որ ես կարող էի լինել այնտեղ»,- գրել է նա թվիթերյան իր էջում։
Բլոգերը, սակայն, չի նշել, թե ում կողմից է եղել հրավերը։
Հավելենք, որ հունիսի 19-ին Ատլանտյան օվկիանոսում անհետացել էր զբոսաշրջիկներով մասնավոր սուզանավը, որն ուղևորվում էր դեպի «Տիտանիկ» նավը։
Բատիսկաֆում հինգ մարդ է եղել՝ բրիտանացի միլիարդատեր Համիշ Հարդինգը, պակիստանցի գործարար Շահզադա Դաուդը և նրա 19-ամյա որդին՝ Սուլմանը, ֆրանսիացի հետախույզ Պոլ-Անրի Նարջոլեն և Ստոկթոն Ռաշը՝ OceanGate-ի հիմնադիրը, որը կազմակերպել է ճամփորդությունը և որին պատկանում էր սուզանավը։ Նրանք բոլորը մահացել են։
Որոնողական աշխատանքներին մասնակցել են ԱՄՆ-ի և Կանադայի առափնյա ծառայությունները, ինչպես նաև մասնավոր նավեր։
Էմմա Չոբանյան
