04.11.2024 | 22:30
Հայաստանի մի շարք հասցեներում էլեկտրաէներգիայի անջատումներ կլինեն
ՆԱՏՕ-ն որևէ նշան չի տեսնում, որ ՌԴ-ն պատրաստվում է միջուկային զենք կիրառել․ Ստոլտենբերգ
Քաղաքականություն
26.06.2023 | 16:24
Բելառուսում տեղակայված միջուկային զենքի օգտագործման հնարավորության նշաններ չկան։ Այս մասին Վիլնյուսում հայտարարել է ՆԱՏՕ-ի գլխավոր քարտուղար Յենս Ստոլտենբերգը։
«Մենք վերահսկում ենք իրավիճակը Բելառուսում, որտեղ Ռուսաստանը միջուկային զենք է տեղակայել, ինչը մենք դատապարտում ենք որպես անպատասխանատու քայլ։ Սակայն որևէ նշան չենք տեսնում, որ Ռուսաստանը մտադիր է կիրառել միջուկային զենք»,- ասել է նա։
Գլխավոր քարտուղարի խոսքով՝ դա չի սասանի ՆԱՏՕ-ի վճռականությունը՝ իրականացնելու իր ծրագրերը։
«Ռուսաստանը չի կարողանա մեզ վախեցնել, որպեսզի դադարենք Ուկրաինային օգնել: Այդ աջակցությունը կշարունակվի այնքան ժամանակ, որքան կպահանջվի»,- հայտարարել է Ստոլտենբերգը:
Տաթև Ֆռանգյան
