Հայաստանը ևս մեկ մեդալ է ապահովել Եվրոպական ամառային երրորդ խաղերում

Լուրեր

20.11.2026 | 13:24
Հաքերները գողացել են Visa-ի, Mastercard-ի և Chase բանկի հաճախորդների տվյալները․ NYP
20.11.2026 | 13:15
Սամվել Կարապետյանի հետ այսպես խոսել չի´ կարելի, մենք չենք վախենում. Աբրահամյանը` Փաշինյանի առաջարկի. ՏԵՍԱՆՅՈՒԹ
20.11.2026 | 13:07
Աբխազիայի հայերին ՌԴ քաղաքացիություն են խոստացել՝ ՀՀ-ում կոնկրետ ուժի քվեարկելու դիմաց․ ահազանգ․ ՏԵՍԱՆՅՈՒԹ
20.11.2026 | 13:01
Լիանա Գասպարյանը ձայանգրություն միացրեց․ ՏԵՍԱՆՅՈՒԹ
20.11.2026 | 12:58
Իրանի դեմ պատերազմն ԱՄՆ-ին արժեցել է 48,3 միլիարդ դոլար․ Սենատը մերժել է բանաձևը, որը Թրամփին կոչ էր անում դադարեցնել Իրանում պատերազմը
20.11.2026 | 12:50
ՀՀ-ի եվրոպական ինտեգրումն ու տնտեսական համագործակցությունը քննարկվել են Մհեր Գրիգորյանի և Չեխիայի դեսպանի հանդիպմանը
20.11.2026 | 12:38
Ուկրաինական ԱԹՍ-ները հարձակվել են ՌԴ Սմոլենսկի մարզի պայթուցիկ նյութերի բաղադրիչների արտադրության գործարանի վրա
20.11.2026 | 12:29
Հայ մարմնամարզիկները մեդալներ են նվաճել միջազգային մրցաշարում
20.11.2026 | 12:21
Հյուսիս-հարավի Քաջարան-Ագարակ 32 կմ ճանապարհահատվածի շինարարությունն ավարտված է շուրջ 60 տոկոսով
20.11.2026 | 12:10
Լարված իրավիճակ Քոչարյանի գործով նիստին // Վրաստանում սգո օր է հայտարարվել․ ԼՈՒՐԵՐ
20.11.2026 | 12:00
Սոնա Ղազարյանի ճեպազրույցը՝ ՈւՂԻՂ
20.11.2026 | 11:59
Լեհաստանում օդային տագնապ է հայտարարվել՝ Ուկրաինային ՌԴ զանգվածային հարվածների ֆոնին
20.11.2026 | 11:50
Չափանիշներ են պետք, որ հասկանալի լինի՝ խախտումները ինչպես են ազդում քվեարկության արդյունքների վրա․ ՏԵՍԱՆՅՈՒԹ
20.11.2026 | 11:38
Վրաստանում նոյեմբերի 22-ը սգո օր է հայտարարվել Թբիլիսիում շենքի փլուզումից հետո
20.11.2026 | 11:36
Տիգրան Աբրահամյանի ճեպազրույցը՝ ՈւՂԻՂ
Բոլորը

Լեհաստանում ընթացող Եվրոպական ամառային երրորդ խաղերի ծրագրով մուայթայի մրցաշարում Հայաստանի ներկայացուցիչ, 60 կգ քաշային Նարեկ Խաչիկյանը դուրս է եկել կիսաեզրափակիչ՝ ապահովելով առնվազն բրոնզե մեդալ․ տեղեկացնում են ՀՀ ԿԳՄՍՆ-ից։

Խաչիկյանը քառորդ եզրափակչի իր մեկնարկային մենամարտում առավելության է հասել Գերմանիայի ներկայացուցիչ Ֆիլիպ Լեոն Բալբաչի նկատմամբ, իսկ կիսաեզրափակչում ուժերը կչափի բելգիացի մարզիկի հետ:

Այս մարզաձևում Հայաստանի մյուս ներկայացուցիչները՝ Լյուսի Տեր-Դավթյանը, Գոռ Սարգսյանը և Արմեն Գրիգորյանը, պարտություններ են կրել և լքել պայքարը:

Հայ բռնցքամարտիկներից երեկ պայքարի են դուրս եկել Գուրգեն Մադոյանը, Դավիթ Չալոյանն ու Անի Հովսեփյանը: Մադոյանը 71 կգ քաշայինների 1/16 եզրափակչում մենամարտել է Մոնտենեգրոն ներկայացնող Շտեֆան Սավկովիչի հետ և վստահ հաղթանակ է տարել՝ 5-0 հաշվով:

Տպավորիչ հաղթանակով է մեկնարկել նաև աշխարհի փոխչեմպիոն Դավիթ Չալոյանը. 1/16 եզրափակչում 25-ամյա գյումրեցի բռնցքամարտիկը մենամարտել է Սերբիան ներկայացնող Վլադան Բաբիչի հետ և երեք ռաունդներում ունենալով բացարձակ առավելություն` հաղթել է մրցավարների միաձայն որոշմամբ՝ 5-0:

«Առաջին մենամարտն էր. բավական բարդ ստացվեց, բայց ուրախ եմ, որ կարողացա հաջողությամբ ավարտել ու հաղթանակի հասնել: Ծանոթ էի սերբ մրցակցին ու դա ինձ շատ օգնեց»,- մենամարտից հետո ասել է Չալոյանը:

Հայաստանի մյուս ներկայացուցիչ, Եվրոպայի չեմպիոն, 75 կգ քաշային Անի Հովսեփյանը ցավալի պարտություն է կրել մեկնարկում: 1/16 եզրափակչում նա մենամարտել է EOC փախստականների թիմը ներկայացնող, 24-ամյա Ջանկեու Նբամբայի հետ և մրցավարների որոշմամբ զիջել 0-5 հաշվով:

Հայ բռնցքամարտիկներից երեկ ռինգ է դուրս եկել նաև 63,5 կգ քաշային Նարեկ Հովհաննիսյանը՝ իր երկրորդ մենամարտն անցկացնելով Եվրոպական ամառային երրորդ խաղերում: Հովհաննիսյանը 1/8 եզրափակչում ուժերը չափել է հունգարացի Ռիչարդ Կովադսի հետ և ծանր մենամարտում զիջել 1-4 հաշվով: 63,5 կգ քաշայինների 1/16 եզրափակչում Հովհաննիսյանն ավելի վաղ 3:2 հաշվով առավելության էր հասել Իսրայելի ներկայացուցիչ Ահմադ Շտիվի նկատմամբ:

Եվրոպական ամառային երրորդ խաղերում ելույթները շարունակում են նաև ջրացատկորդները: Երեկ կայացել են տղաների սինքրոն 10մ. աշտարակացատկի մրցումները, որտեղ Հայաստանը ներկայացրել է Վլադիմիր Հարությունյան-Մարատ Գրիգորյան երկյակը:

Հայ ջրացատկորդները 306.42 միավորով զբաղեցրել են վերջին՝ 7-րդ հորիզոնականը: Չեմպիոնի կոչումը նվաճել են Ուկրաինայի ներկայացուցիչները, երկրորդ տեղում՝ իտալացի, իսկ երրորդ տեղում բրիտանացի մարզիկներն են:

Ավելի վաղ Հայաստանի ջրացատկի հավաքականը Վլադիմիր Հարությունյան, Արման Ենոքյան, Մարատ Գրիգորյան, Ալիսա Զաքարյան կազմով մասնակցել էր խառը զույգերով 3 մ. և 10 մ. ցատկերի թիմային առաջնությանը: Մեր քառյակը վաստակել էր 215,85 միավոր և 9 մասնակիցների պայքարում գրավել 8-րդ տեղը: Հունիսի 27-ին Մարատ Գրիգորյանը հանդես կգա 10 մ. աշտարակացատկում: