18.03.2026 | 11:46
Ոչ մի երկիր իրավունք չունի իր տարածքը տրամադրել այլ երկրների կողմից ագրեսիվ գործողությունների համար. Արաղչին՝ Բայրամովին
Մեղադրում էին ահաբեկչության համար. Բերդյանսկում ռուսները հայ դեռահասի են սպանել
Քաղաքականություն
26.06.2023 | 15:30
Զապորոժիեի շրջանի օկուպացիոն իշխանությունները հայտարարել են Բերդյանսկում «երկու ահաբեկիչների ոչնչացնելու մասին»։ Նրանցից մեկը 16-ամյա Տիգրան Հովհաննիսյանն է։ Այս մասին հայտնում է ՌԲԿ-Ուկրաինան՝ հղում անելով Զապորոժիեի շրջանի օկուպացիոն ռազմաքաղաքացիական վարչակազմի խորհրդի անդամ Վլադիսլավ Ռոգովին։
Նրա խոսքով՝ ժամը 19։00-ի սահմաններում երկու հոգի «կրակ են բացել» քաղաքի ափամերձ հատվածում։
«Իրավապահ մարմինների լավ համակարգված և օպերատիվ գործողությունների արդյունքում ահաբեկիչներն արգելափակվել և ոչնչացվել են»,- ասել է Ռոգովը։
Նա հայտնել է, որ նրանցից մեկը 16-ամյա դեռահաս Տիգրան Հովհաննիսյանն է, որը նախկինում ձերբակալվել էր ռուսների կողմից ուկրաինամետ դիրքորոշման համար։
2022 թվականի սեպտեմբերին ռուսներն առևանգել էին Տիգրանին և նրա ընկեր Նիկիտա Խանգանովին՝ նրանց մեղադրելով ահաբեկչության մեջ։ Ըստ Human Rights Media Initiative-ի՝ նրանց հարցաքննել են, ծեծել ու խոշտանգել էլեկտրաշոկով։
2023 թվականի հունիսին Եվրոպական դեպարտամենտը Ռուսաստանի իշխանություններից պահանջել էր ազատ արձակել պատանիներին և թույլ տալ նրանց մեկնել Ուկրաինայի կողմից վերահսկվող տարածք։
