18.03.2026 | 11:46
Ոչ մի երկիր իրավունք չունի իր տարածքը տրամադրել այլ երկրների կողմից ագրեսիվ գործողությունների համար. Արաղչին՝ Բայրամովին
Արդեն բուհերում էլ կա ատեստավորման գործընթաց․ դա պետք է լինի ինքնավարության շրջանակներում․ նախարար․ ՏԵՍԱՆՅՈՒԹ
Հասարակություն
26.06.2023 | 13:23
Եթե ուսուցիչները կամավոր ատեստավորում անցնեն ու հավաքեն 60 տոկոսից ավելի միավոր, կմնան իրենց պաշտոնին։ Եթե կամավոր ատեստավորման արդյունքում ի հայտ գա, որ տվյալ առարկայի ուսուցիչը չունի բավարար գիտելիք, կարևոր որոշում պիտի կայացնենք՝ ամեն օր դասարան մտնելով՝ օգուտ է տալիս տվյալ ուսուցիչը, թե ոչ։
ԱԺ արտահերթ նիստում «Հանրակրթության մասին» օրենքում փոփոխություններ և լրացումներ կատարելու մասին նախագծի քննարկման ժամանակ այս ամսին հայտարարեց ՀՀ կրթության, գիտության, սպորտի և մշակույթի նախարար Ժաննա Անդրեասյանը։
«Նախորդ ատեստավորումը, օրինակ` 700 ուսուցիչ չէր հաղթահարել ու նրանցից 650–ը դիմել էր մեզ` վերապատրաստման համար։ Աշնանը նորից կանցկացվի ատեստավորում, ու նրանք նորից կմասնակցեն»,- նշեց նախարարը։
Բարձրագույն կրթություն չունեցող 1300 ուսուցչի աշխատանքի ժամկետը, ըստ նախարարի, լրանում է այս տարվա օգոստոսի 20–ին։ Եվ միայն ատեստավորումից հետո պարզ կդառնա` նրանց պայմանագրերը կխզվե՞ն, թե՞ կշարունակվեն։
Անդրադառնալով բուհերում ատեստավորում անցկացնելու վերաբերյալ պատգամավոր Հովիկ Աղազարյանի առաջարկին, Անդրեասյանն ընդգծեց, որ տարբեր բուհեր արդեն ներդնում են ատեստավորման համակարգ․ «Օրինակ՝ ԵՊՀ-ում արդեն կա ատեստավորման գործընթաց։ Սակայն դա պետք է լինի ինքնավարության շրջանակներում, բուհի որոշած ընթացակարգերով ու տրամաբանությամբ»։
Մանրամասները՝ տեսանյութում։
