15.01.2026 | 19:40
Նեյմարը նշել է պատմության լավագույն գերմանացի ֆուտբոլիստներին
ԱԺ-ում ողջունեցին Factor TV-ի ուսանողներին․ ՏԵՍԱՆՅՈՒԹ
Հասարակություն
26.06.2023 | 12:24
Factor TV-ում եռամսյա փորձաշրջան անցնող ուսանող-լրագրողներն այսօր այցելել են Ազգային ժողով։ ԱԺ-ում ընթանում է արտահերթ նիստը, փորձաշրջան անցնող ուսանող-լրագրողները նիստին հետևել են օթյակից, նիստի ընթացքում նրանց ողջունել է ԱԺ նախագահ Ալեն Սիմոնյանը։
Ապագա լրագրողները Ազգային ժողովում հանդիպել են «Քաղաքացիական պայմանագիր» խմբակցության պատգամավոր Մարիամ Պողոսյանի հետ։ Իշխանական պատգամավորին երկրում առկա խնդիրների վերաբերյալ հարցեր են ուղղել, հետաքրքրվել, թե իշխանությունը որքանով է կարևորում լրագրողների դերը որպես չորրորդ իշխանություն։ Ուսանողները նաև ծանոթացել են խորհրդարանում հավատարմագրված լրագրողների աշխատանքին, հետևել ճեպազրույցներին։
Հիշեցնենք՝ ուսանողների եռամսյա փորձաշրջանն իրականացվում է Deutsche Welle Akademie-ի, BBC Media Action-ի և «Հետք»-ի հետ համատեղ։ «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցումը» ծրագրի շրջանակում հայկական բուհերի ժուռնալիստիկայի ֆակուլտետներից ընտրված ուսանողները եռամսյա գործնական փորձաշրջան են անցնում Factor TV-ում:
Փորձաշրջանի մասնակիցները ստանում են գործնական հմտություններ՝ իրական ժամանակում տրվող և իրականացվող հանձնարարությունների միջոցով։ Factor TV-ի փորձառու անձնակազմի օգնությամբ նրանք հնարավորություն են ունենում պատրաստել տեսանյութեր, աշխատել ուղիղ եթերում, վարել տաղավարային հարցազրույցներ, կատարել վիդեոմոնտաժ։
