16.01.2026 | 10:01
Արտարժույթների փոխարժեքները՝ հունվարի 16-ի դրությամբ
Եվգենի Պրիգոժինը շարունակում է հետաքննվել ապստամբության գործով․ «Կոմերսանտ»
Քաղաքականություն
26.06.2023 | 12:45
Հունիսի 26-ի առավոտվա դրությամբ զինված ապստամբություն կազմակերպելու համար քրեական գործը, որի գլխավոր դերակատարը «Վագներ» ռազմականացված խմբավորման հիմնադիր Եվգենի Պրիգոժինն է, չի կարճվել, ՌԴ ԱԴԾ քննչական վարչության քննիչը շարունակում է հետաքննությունը, գրում է «Կոմերսանտը»։ Պարբերականի տվյալներով՝ այլ որոշում կայացնելու համար շատ կարճ ժամանակ է անցել։
Զինված ապստամբություն հրահրելու վերաբերյալ քրեական գործը հարուցվել էր ուրբաթ երեկոյան, այն բանից հետո, երբ Պրիգոժինը մեղադրել էր ռուս զինվորականներին «Վագների» դիրքերը գնդակոծելու մեջ և «արդարության երթ» հայտարարել Ռուսաստանի պաշտպանության նախարարության ղեկավարության դեմ։ Շաբաթ երեկոյան Կրեմլի խոսնակ Դմիտրի Պեսկովը լրագրողներին ասել էր, որ Պրիգոժինի դեմ հարուցված քրեական գործը կփակվի, իսկ վերջինս կմեկնի Բելառուս։
«Ապստամբությանը մասնակցած վարձկանները հետապնդման չեն ենթարկվի՝ հաշվի առնելով նրանց ռազմական նվաճումները, իսկ ապստամբությանը չմիացած կռվողները կարող են պայմանագրեր կնքել պաշտպանության նախարարության հետ»,- հայտարարել էր Պեսկովը։ Պրիգոժինի գտնվելու վայրը այս պահին անհայտ է:
