16.01.2026 | 10:01
Արտարժույթների փոխարժեքները՝ հունվարի 16-ի դրությամբ
Բայրամովը մեկնել է ԱՄՆ՝ Արարատ Միրզոյանի հետ բանակցությունների
Քաղաքականություն
26.06.2023 | 11:47
Ադրբեջանի ԱԳ նախարար Ջեյհուն Բայրամովը աշխատանքային այցով մեկնել է ԱՄՆ։ Ադրբեջանի ԱԳՆ-ն հայտնում է, որ Բայրամովը մեկնել է ԱՄՆ պետքարտուղար Էնթոնի Բլինքենի հրավերով․ նա կմասնակցի Հայաստանի հետ բանակցությունների հերթական փուլիn։
Նշվում է, որ այցի շրջանակներում նախատեսվում է երկկողմ հանդիպում ԱՄՆ պետքարտուղարի հետ, ինչպես նաև Ադրբեջանի և Հայաստանի արտգործնախարարների միջև բանակցությունների հաջորդ փուլը «Խաղաղության և միջպետական հարաբերությունների հաստատման երկկողմ համաձայնագրի» նախագծի շուրջ։
Հիշեցնենք, որ նախօրեին ՀՀ ԱԳՆ-ն էր հայտնել, որ արտաքին գործերի նախարար Արարատ Միրզոյանը աշխատանքային այցով մեկնել է Վաշինգտոն, որտեղ հունիսի 27-ից կմեկնարկի Հայաստանի և Ադրբեջանի միջև հարաբերությունների կարգավորման մասին պայմանագրի շուրջ քննարկումների հերթական փուլը:
Հավելենք,որ բանակցությունների հերթական փուլը պետք է տեղի ունենար Վաշինգտոնում հունիսի 12-ին, որը, սակայն, ադրբեջանական կողմի խնդրանքով հետաձգվել էր։ Նախորդ բանակցությունները տեղի էին ունեցել ԱՄՆ-ում մայիսի 1-4-ը։
Էմմա Չոբանյան
