06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
Քննչական գործողությունները հուլիսի 1-ից պարտադիր պետք է տեսաձայնագրվեն․ Մկրտչյան․ ՏԵՍԱՆՅՈՒԹ
Հասարակություն
26.06.2023 | 11:16
Այսօր՝ հունիսի 26-ի, ԱԺ պետաիրավական հարցերի մշտական հանձնաժողովի արտահերթ նիստում քննարկվում է ՀՀ քրեական դատավարության օրենսգրքում փոփոխություններ և լրացում կատարելու մասին» օրենքի նախագիծ առաջին ընթերցմամբ ընդունելու հարցը։
Օրենսդրական փոփոխությամբ հնարավոր կլինի ապահովել քրեական վարույթի պատշաճ ամրագրումը։
Օրենսգրքի 8-րդ, ինչպես նաև մի շարք այլ հոդվածներում առկա են կարգավորումներ, որոնց համաձայն` վարույթային գործողությունների տեսաձայնագրության կրիչները կցվում են համապատասխան արձանագրությանը:
Առաջարկվում է էլեկտրոնային եղանակով ամրագրման ենթակա տվյալների պահպանության համար օգտագործել սերվերային ենթակառուցվածքներ. այն էապես նվազեցնելու է քննչական մարմիններում ծախսերը:
«Հաշվի առնելով այն հանգամանքը, որ տեսաձայնագրման և տվյալների պահպանման համար անհրաժեշտ ենթակառուցվածքների կարիքի ձևակերպման համար պետք է առաջնորդվել բարեփոխման ռազմավարական նպատակներով` հարկ է արձանագրել, որ ենթակառուցվածքների զգայունության աստիճանով պայմանավորված` առավել նպատակային է դիտարկվել դրանք սերվերային ենթակառուցվածքներում պահպանելու մոդելը»,- նշեց զեկուցող Լիլիթ Մինասյանը:
Կառավարության ներկայացուցիչ ՀՀ արդարադատության նախարարի տեղակալ Արա Մկրտչյանը, նշելով, որ Կառավարությունը կողմ է նախագծին, ընդգծեց, որ կարևոր քայլ է կատարվում նախաքննության ոլորտում և իրականացվում են էական բարեփոխումներ:
Մկրտչյանի խոսքով՝ նախաքննությունը 2023 թ. սեպտեմբերի 1-ից պետք է ամբողջությամբ կատարվի էլեկտրոնային եղանակով: Քննչական գործողությունները հուլիսի 1-ից պարտադիր պետք է տեսաձայնագրվեն, հասանելիություն պետք է ունենան միայն իրավասու պաշտոնյաները։
Մանրամասները՝ տեսանյութում։
