14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Դանիայում Ուկրաինայի հարցով գաղտնի համաժողով է տեղի ունեցել
Քաղաքականություն
26.06.2023 | 16:40
Դանիայում խիստ գաղտինության պայմաններում Ուկրաինայի հարցով խաղաղության համաժողով է տեղի ունեցել։ Այս մասին հայտնել է Deutschlandfunk ռադիոկայանը, որին վկայակոչում է DW-ի ռուսական ծառայությունը։
Նշվում է, որ արևմտյան մի շարք երկրների ներկայացուցիչներից զատ՝ մասնակցել են նաև դիվանագետներ գլոբալ Հարավից, այդ թվում՝ Չինաստանից, Հնդկաստանից, Բրազիլիայից և Հարավային Աֆրիկայից։ Այս երկրները հիմնականում չեզոք դիրքում են Ուկրաինայի պատերազմի հարցում։
ARD հեռուստաընկերության տվյալներով՝ Ուկրաինայի հարցով այս երկրների մասնակցությամբ պաշտոնական բանակցությունները կարող են տեղի ունենալ արդեն հուլիսին։ Ըստ լրատվամիջոցների՝ համաժողովի նախաձեռնությունը եղել է ուկրաինական կողմից։
Հիշեցնենք, որ հունիսի կեսերին Աֆրիկայի մի շարք երկրների և կառավարությունների ղեկավարների պատվիրակությունն այցելել էր Կիև ու Մոսկվա՝ քննարկելու հնարավոր խաղաղության ծրագիրը։ Այս նախաձեռնությունն առանձնապես հաջողություն չունեցավ։
Էմմա Չոբանյան
