26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Առաջարկում եմ շինաշխատանքները համաձայնեցված անել, որպեսզի փորված փոսեր չմնան․ Ավինյան․ ՏԵՍԱՆՅՈՒԹ
Տնտեսություն
26.06.2023 | 10:48
«Սևանի փողոցում բացված «անհուն հորն» ի՞նչ է եղել, վերջը վերականգնելո՞ւ ենք, Սևանի փողոցում, որ փորած է»,- այս մասին Երևանի գործակարգավորական խորհրդակցության ժամանակ հետաքրքրվեց փոխքաղաքապետ Տիգրան Ավինյանը։
Զեկուցվեց, որ այս շաբաթ աշխատանքները կավարտվեն։
«Այսօր երեկոյան աշխատանքները կիրականացվեն, առավոտյան պետք է ավարտված լինենք»,- տեղեկացրեց շինարարության և բարեկարգման վարչության պետի պաշտոնակատար Խորեն Գրիգորյանը։
«Առաջարկում եմ սրանից հետո շինարարական աշխատանքները միշտ համաձայնեցված անել, որպեսզի երկար ժամանակով փորված փոսեր չունենանք փողոցներում,- ասաց Ավինյանը։
Հիշեցնենք՝ նախորդ շաբաթվա ընթացքում Տիգրան Ավինյանին զայրացրել էր փաստը, որ երկար քննարկումներից հետո դարձյալ մայրաքաղաքում փոսալցման աշխատանքները պատշաճ չէին իրականացվում։
«Ինչքա՞ն ասեմ՝ փոսեր, փոսեր, փոսեր, փոսեր, ուզում եմ հասկանալ՝ մինչև ո՞ր ամիսն է ձգվելու։Ի՞նչ չունեք՝ ֆինա՞նս չունեք, ի՞նչ չունեք էլի, ուզում եմ հասկանալ՝ ո՞րն է խնդիրը։ Էս վերջին շաբաթն է, ուզում եք գնացեք, անձամբ լցրեք այդ ասֆալտը։ Հաջորդ երկուշաբթի ինձանից չնեղանաք», – հայտարարել էր Տիգրան Ավինյանը։
Մանրամասները՝ տեսանյութում։
