16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Հրդեհ է բռնկվել Վորոնեժի նավթի պահեստում. մինչ այդ պայթյուն է հնչել
Քաղաքականություն
24.06.2023 | 15:12
Վորոնեժում նավթապահեստում հրդեհ է բռնկվել։ Այս մասին հայտնել է շրջանի նահանգապետ Ալեքսանդր Գուսևը՝ տեղեկացնելով, որ հրդեհաշիջման աշխատանքներ են իրականացվում, փոխանցում է BBC-ի ռուսական ծառայությունը։
«Տեղում աշխատում են 100-ից ավելի հրշեջներ և 30 տեխնիկա: Նախնական տվյալներով զոհեր չկան»,- ասել է նա։
Սոցցանցերում կադրեր են հրապարակվում, որոնցում երևում է, որ հրդեհը սկսվել է, ենթադրաբար, պայթյունից հետո։ Տեսանյութում երևում է, որ մոտակայքում ուղղաթիռ է թռչում, սակայն պարզ չէ՝ արդյոք այն կապ ունի պայթյունի և հրդեհի հետ։
Հիշեցնենք, որ Վորոնեժի մարզում են «Վագներ» ռազմականացված խմբավորման զինյալները։ BBC-ի ու Reuters-ի տվյալներով՝ նրանք իրենց վերահսկողության տակ են վերցրել քաղաքի բոլոր ռազմական օբյեկտները։
