26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Հետևում ենք իրավիճակին․ ԵՄ երկրների ներկայացուցիչները՝ Պրիգոժինի ապստամբության մասին
Քաղաքականություն
24.06.2023 | 12:56
Եվրոպական երկրների կառավարությունների ներկայացուցիչները մեկը մյուսի հետևից հայտարարում են, որ հետևում են, թե ինչ է կատարվում Ռուսաստանում։ Սակայն Եվգենի Պրիգոժինի զինված ապստամբության վերաբերյալ առավել մանրամասն մեկնաբանություններ դեռ չեն եղել։ Գերմանիայի կանցլեր Օլաֆ Շոլցի խոսնակը հայտարարել է, որ Բեռլինը «ուշադրությամբ հետևում է» Ռուսաստանում տեղի ունեցող իրադարձություններին:
«Նախագահը շատ ուշադիր հետևում է իրավիճակին։ Մենք շարունակում ենք կենտրոնացած մնալ Ուկրաինային աջակցելու վրա»,- ասել են Ելիսեյան պալատում Ֆրանսիայի կառավարության պաշտոնյաները:
Լեհաստանի նախագահը հայտնել է, որ խորհրդակցություններ է անցկացրել վարչապետի, պաշտպանության նախարարության և դաշնակիցների հետ՝ կապված Ռուսաստանում տիրող իրավիճակի հետ։
«Մեր արևելյան սահմանից այն կողմ իրադարձությունների ընթացքին հետևում ենք անդադար», – գրել է Անջեյ Դուդան:
ՆԱՏՕ-ի ներկայացուցիչը Financial Times-ին հայտնել է, որ կազմակերպությունը ևս «հետևում է իրավիճակին»:
Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակն էլ Եվգենի Պրիգոժինի և «Վագների» ապստամբությունն անվանել էր Ռուսաստանում «քաղաքացիական պատերազմի սկիզբ»։
