06.08.2026 | 13:38
Արամ Վարդևանյանը Էդգար Ղազարյանի փոխարեն ներողություն խնդրելու պատրաստակամություն հայտնեց․ ՏԵՍԱՆՅՈՒԹ
Կյանքից հեռացել է կրթության և գիտության նախկին նախարար Սերգո Երիցյանը
Հասարակություն
23.06.2023 | 23:16
66 տարեկանում երկարատև ու ծանր հիվանդությունից մահացել է կրթության և գիտության նախկին նախարար, Լեզվի կոմիտեի նախկին նախագահ, հեռուստալրագրող Սերգո Երիցյանը։ Այս մասին ֆեյսբուքյան իր էջում հայտնել է Պրահայի «Օրեր» ամսագրի գլխավոր խմբագիր Հակոբ Ասատրյանը։
Սերգո Երիցյանը ծնվել է 1957թ. հունիսի 11-ին Թումանյանի շրջանի Ճոճկան գյուղում։
1981թ. ավարտել է Մոսկվայի Ո.Լոմոնոսովի անվան պետական համալսարանը։ Լրագրող։Բանասիրական գիտությունների թեկնածու, դոցենտ։
1981-1984թթ. հեռուստառեդիոպետկոմում աշխատել է խմբագիր։ 1984-1987թթ. սովորել է Մոսկվայի պետհամալսարանի ասպիրանտուրայում։ 1987-1999թթ. Հայաստանի հեռուստատեսության եւ ռադիոյի համակարգում եղել է մեկնաբան, բաժնի վարիչ, «Հասարակական կարծիքի ուսումնասիրման կենտրոն» ՊՓԲԸ-ի գործադիր տնօրեն։ 1992-ից հանրային հեռուստատեսությամբ եթեր տրվող «Կարծիք» հաղորդաշարի հեղինակը եւ վարողն է։
1996-2003 թվականներին եղել է ՀՀ Ազգային ժողովի պատգամավոր, 2003-2006 թվականներին` ՀՀ կրթության և գիտության նախարար, 2006-2008 թվականներին՝ ՀՀ նախագահի խորհրդական։ 2008 թվականի մայիսի 31-ին ՀՀ նախագահի հրամանագրով ազատվել է ՀՀ Նախագահի խորհրդականի պաշտոնից։ 2010 թվականից ղեկավարել է ՀՀ ԿԳՆ լեզվի պետական տեսչությունը։ 2017 թվականին ստացել է Հայաստանի Հանրապետության քաղաքացիական ծառայության 2-րդ դասի պետական խորհրդականի դասային աստիճան։
