15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ԵՄ-ն հայտարարություն է տարածել Լաչինի միջանցքի արգելափակման վերաբերյալ
Քաղաքականություն
23.06.2023 | 19:10
ԵՄ մամուլի խոսնակը հայտարարություն է տարածել Լաչինի միջանցքի արգելափակման և հայ-ադրբեջանական սրվող հարաբերությունների վերաբերյալ։
Հայտարարության մեջ, մասնավորապես, ասվում է․
«ԵՄ-ն ուշադրությամբ հետևում է վերջին մի քանի շաբաթների ընթացքում Ադրբեջանի և Հայաստանի միջև աճող լարվածությանը, որոնց միջազգային սահմանի երկայնքով ամեն օր արձանագրվում են կրակոցներ՝ ի լրումն ղարաբաղյան շփման գծում նմանատիպ միջադեպերի:
Հունիսի 15-ից սկսած Լաչինի միջանցքի գրեթե լիակատար արգելափակումը խիստ մտահոգիչ է։ Դա ուղղակիորեն սպառնում է տեղի բնակչության կենսապահովմանը և պոտենցիալ հումանիտար ճգնաժամի վերաբերյալ լուրջ մտավախություններ է առաջացնում։
Վերջին բարձր մակարդակի հանդիպումների շարքից հետո ԵՄ-ն շարունակում է ներգրավված լինել ամենաբարձր մակարդակով քաղաքական շփումներում՝ օգնելու թուլացնել այդ լարվածությունը և գտնել փոխադարձ ընդունելի լուծումներ»:
Տաթև Ֆռանգյան
