06.06.2026 | 10:42
«Պիտի մինիմում մե 10 ձեն բերե». ՀԿԿ-ն նոր գաղտնալսում է հրապարակել
Ընտրություններում Էրդողանի մրցակից Քըլըչդարօղլուին սպառնում է 110 տարվա ազատազրկում
Քաղաքականություն
23.06.2023 | 21:31
Թուրքիայի գլխավոր ընդդիմադիր Ժողովրդահանրապետական կուսակցության ղեկավար Քեմալ Քըլըչդարօղլուն, որն ընտրություններում նախագահ Ռեջեփ Թայիփ Էրդողանի գլխավոր մրցակիցն էր, սպառնում է 110 տարվա ազատազրկում, ինչպես նաև քաղաքական գործունեությամբ զբաղվելու արգելքի սահմանում։
Թուրքական Cumhuriyet-ի փոխանցմամբ՝ քաղաքական գործչի դեմ 28 դատական գործ է հարուցվել, որոնցից մի քանիսը նախաձեռնել է Էրդողանը։
«Ավելի վաղ մի շարք դատական գործերը կասեցվել էին Քեմալ Քըլըչդարօղլուի պատգամավորական անձեռնմխելիության պատճառով։ Այժմ դրանք նորից կքննարկվեն, քանի որ նա չի ընտրվել նոր գումարման խորհրդարանում»,- գրում է լրատվամիջոցը։
Նշվում է, որ իշխող «Արդարություն և զարգացում» կուսակցության ներկայացուցիչները քրեական գործ են հարուցել ընդդիմադիր թեկնածուի նկատմամբ նախագահին վիրավորելու մեղադրանքով։
Հայցերը վերաբերում են նախընտրական քարոզարշավի ժամանակ Քըլըչդարօղլուի հրապարակային հայտարարություններին, որոնցում նա Էրդողանին համեմատել է անցյալի քաղաքական առաջնորդների հետ, ինչպիսիք են Սադամ Հուսեյնը, Մուամար Քադաֆին և Նիկոլաե Չաուշեսկուն:
Դատական գործերի մեծ մասի համար պատիժը մինչև չորս տարի է: Ընդհանուր առմամբ, նրան կարող է սպառնալ 110 տարվա ազատազրկում։ Եթե պահանջները բավարարվեն, ապա Քըլըչդարօղլուին կարգելվի մասնակցել ընտրություններին և զբաղվել քաղաքական գործունեությամբ։
Էմմա Չոբանյան
