26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
«Պատերազմը պետք էր օլիգարխներին»․ Պրիգոժինը ՌԴ ՊՆ-ին մեղադրել է ստելու համար
Քաղաքականություն
23.06.2023 | 18:52
Պատերազմն օլիգարխներին էր պետք: Այս մասին հայտարարել է «Վագներ» մասնավոր ռազմականացված խմբավորման հիմնադիր Եվգենի Պրիգոժինը։ Նա կրկին ստի մեջ է մեղադրել ՌԴ Պաշտպանության նախարարությանը, փոխանցում է Euronews-ը։
Պրիգոժինի խոսքով՝ ՌԴ ռազմական գերատեսչությունը ոչ միայն թաքցնում է կորուստները և ուռճացնում ձեռքբերումները, այլև «փորձում է խաբել հանրությանը» լայնամասշտաբ ներխուժման իրական նպատակների առումով։
«Մենք էինք խփում նրանց, նրանք էին մեզ խփում, և դա տեղի էր ունենում այս բոլոր 8 տարիների ընթացքում՝ 2014-ից 2022-ը։ Երբեմն մեծանում էր փոխհրաձգությունների թիվը, երբեմն՝ նվազում։ Փետրվարի 24-ին ոչ մի արտասովոր բան չկար։ Հիմա արդեն Պաշտպանության նախարարությունը փորձում է խաբել հանրությանը, փորձում է խաբել նախագահին ու պատմություններ է պատմում այն մասին, որ Ուկրաինայի կողմից խելահեղ ագրեսիա է եղել, և նրանք պատրաստվում էին ՆԱՏՕ-ի ամբողջ դաշինքով մեզ վրա հարձակվել։ Ուստի փետրվարի 24-ին, այսպես կոչված, «հատուկ օպերացիան» սկսվեց բոլորովին այլ պատճառներով»,- հայտարարել է Պրիգոժինը։
Տաթև Ֆռանգյան
