24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Մակրոնը խոստացել է պատասխանել Պուտինի զանգին, բայց ինքն առաջինը չի զանգահարի նրան
Քաղաքականություն
23.06.2023 | 20:47
Ֆրանսիայի նախագահ Էմանուել Մակրոնը հայտարարել է, որ կպատասխանի ՌԴ նախագահ Վլադիմիր Պուտինի հեռախոսազանգին՝ միաժամանակ հավելելով, որ չի պատրաստվում ինքը զանգահարել Պուտինին, քանի որ դրա համար պատճառներ չունի։
«Իհարկե, ես կվերցնեմ հեռախոսը»,- Franceinfo հեռուստաալիքի եթերում ասել է Էմանուել Մակրոնը։
Մակրոնը հավելել է, որ այս պահին Փարիզի և Մոսկվայի միջև երկխոսությունը կարող է վերսկսվել միայն Ռուսաստանի և Ուկրաինայի միջև ռազմական հակամարտության ավարտից հետո։ Նա նշել է, որ Ֆրանսիան պատրաստ է միջնորդ դառնալ Ռուսաստանի և Ուկրաինայի միջև։
«Եթե նա զանգահարի ինձ ինչ-որ բան առաջարկելու, ես կպատասխանեմ, քանի որ Ֆրանսիան միշտ եղել է միջնորդ տերություն»,- ասել է Էմանուել Մակրոնը։
Վերջին անգամ Վլադիմիր Պուտինի և Էմանուել Մակրոնի զրույցի մասին հաղորդվել է 2022 թվականի սեպտեմբերի 11-ին։ Բանակցությունների ընթացքում Մակրոնը կոչ է արել Վլադիմիր Պուտինին դադարեցնել մարտերն Ուկրաինայում։
Հոկտեմբերին Կրեմլը բացատրել էր, որ նախագահների շփումները կրճատվել են, քանի որ Ֆրանսիան չի լսել ռուսական կողմի դիրքորոշումը։ Մինչ այդ, Վլադիմիր Պուտինն ու Էմանուել Մակրոնը պարբերաբար շփվել են։
Հունվարին Կրեմլը հայտարարել էր, որ Վլադիմիր Պուտինն ու Էմանուել Մակրոնը պահպանում են շփումները, սակայն նրանց միջև երկխոսությունը դադարեցվել է։ Նույն ամսին Մակրոնն ասել էր, որ կշարունակի խոսել Ռուսաստանի իշխանությունների հետ՝ չնայած նման քաղաքականության քննադատությանը։
Տաթև Ֆռանգյան
