14.12.2025 | 11:03
Փաշինյանը պատարագի է մասնակցում Այգեշատի Սուրբ Գևորգ եկեղեցում․ ՈՒՂԻՂ
ԵՄ Խորհուրդը հավանություն է տվել ՌԴ-ի դեմ պատժամիջոցների 11-րդ փաթեթին
Քաղաքականություն
23.06.2023 | 15:20
Եվրոպական խորհուրդը հաստատել է տնտեսական և անհատական սահմանափակող միջոցների 11-րդ փաթեթը, որն ուղղված է Ռուսաստանի Դաշնության դեմ ԵՄ գործող պատժամիջոցների ամրապնդմանը և դրանց շրջանցումը դադարեցնելուն։ Այս մասին տեղեկանում ենք Եվրոպական խորհրդի կայքում հրապարակված հաղորդագրությունից։
«Մեր պատժամիջոցներն արդեն իսկ մեծ վնաս են հասցնում Ռուսաստանի տնտեսությանը և Կրեմլի՝ իր ագրեսիան ֆինանսավորելու կարողությանը: Այսօրվա փաթեթը մեծացնում է մեր ճնշումը Ռուսաստանի և Պուտինի ռազմական մեքենայի վրա: Պայքարելով պատժամիջոցների շրջանցման դեմ՝ մենք կավելացնենք ճնշումը Ռուսաստանի վրա՝ հետագայում զրկելով նրան այն ռեսուրսներից, որոնք այնքան անհրաժեշտ են շարունակելու անօրինական պատերազմը Ուկրաինայի դեմ», – ասել է ԵՄ արտաքին և անվտանգության քաղաքականության հարցերով բարձր ներկայացուցիչ Ժոզեպ Բորելը։
Այսպիսով, ԵՄ-ն առաջին անգամ որպես կանխարգելիչ միջոց փաթեթում ներառել է երրորդ երկրներ ապրանքների արտահանման արգելքը երկարացնելու հնարավորությունը, որոնց միջոցով պատժամիջոցների ենթակա ապրանքները մուտք են գործում Ռուսաստան։ Սա թույլ է տալիս, մասնավորապես, արգելել երկակի նշանակության ապրանքների և պաշտպանական արդյունաբերության հետ կապված որոշակի ապրանքների արտահանումը։
Բացի այդ, ՌԴ-ով երրորդ երկրներ տարանցման արգելքը կտարածվի նաև այն ապրանքների վրա, որոնք կարող են օգտագործվել ՌԴ պաշտպանունակությունը բարձրացնելու համար, և այն ապրանքները, որոնք օգտագործվում են ավիացիայում։
Արտահանման սահմանափակումների ցուցակում են ներառվել նաև պաշտպանական արդյունահանման 87 երկիր, այդ թվում՝ երրորդ երկրներից, որոնք կապված են Իրանից ԱԹՍ-ների վաճառքի ու պատժամիջոցներից խուսափելու հետ։
Տաթև Ֆռանգյան
