26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Ուկրաինան շարունակում է հակահարձակումը հարավ-արևելքում
Քաղաքականություն
23.06.2023 | 13:31
Ուկրաինական բանակը շարունակում է հակահարձակումը հարավ-արևելքում։ DW-ի ռուսական ծառայության փոխանցմամբ՝ այս մասին հայտնել է Ուկրաինայի ԶՈՒ Գլխավոր շտաբի ներկայացուցիչ Անդրեյ Կովալյովը։
«Ուկրաինայի պաշտպանության ուժերը շարունակում են հարձակողական գործողություն իրականացնել Մելիտոպոլի և Բերդյանսկի ուղղություններում։ Նովոդանիլովկա-Ռոբոտինո և Մալայա Տոկմաչկա-Նովոպետրովկա ուղղություններում մասնակի հաջողություններ են գրանցվել։ Ձեռք բերված դիրքերի ամրացում է իրականացվում, հրետանային կրակով խոցվում են հայտնաբերված թշնամու թիրախները, ձեռնարկվում են հակամարտկոցային միջոցներ»,- ասել է Կովալյովը։
Միաժամանակ, նրա խոսքով, ռուսական զորքերն ակտիվացրել են հարձակողական գործողություններն արևելքում՝ օգտագործելով ռեզերվները և փորձելով վերականգնել կորսված դիրքերը։
«Հատկապես ծանր մարտեր են շարունակվում Լիմանսկի ուղղությամբ, Լուգանսկի շրջանի Բելոգորովկա բնակավայրի տարածքում»,- նշել է նա։
Տաթև Ֆռանգյան
