08.10.2026 | 14:24
Մեքսիկայում մրցավար է մահացել ռեստլերի կողմից ռինգ նետվելուց հետո. ՏԵՍԱՆՅՈՒԹ
Ուկրաինայի հակահարձակումը սկզբնական փուլում «չի արդարացնում սպասելիքները». CNN
Քաղաքականություն
23.06.2023 | 12:25
Ուկրաինական հակահարձակման սկզբնական փուլը մինչ այժմ չի արդարացնում արևմտյան երկրների ակնկալիքները, և ռուս զինվորականները, պարզվում է, ավելի կոմպետենտ են, քան սպասվում էր։ Այս մասին CNN-ին ասել են արևմտյան երկու պաշտոնյաներ և ԱՄՆ բարձրաստիճան զինվորականներ:
Պաշտոնյաներից մեկն ասել է, որ հակահարձակումը «ոչ մի ճակատում սպասելիքները չի արդարացնում»։ Նշվում է, որ ռուսական պաշտպանության գծերը լավ ամրացված են, ինչը դժվարացնում է ուկրաինական ուժերի կողմից դրանց ճեղքումը։
Պաշտոնյաները նշել են, որ հակահարձակումը դեռ սկզբնական փուլում է, և որ ԱՄՆ-ը և նրա դաշնակիցները «մնում են լավատես», որ ուկրաինական ուժերը ժամանակի ընթացքում կկարողանան տարածքային նվաճումներ ունենալ:
Բացի այդ, այս պաշտոնյաները նշում են, որ ուկրաինական ուժերն իրենք են հարմարվել ռուսական մարտավարությանը և պաշտպանությանը, այդ թվում՝ իրականացնելով ավելի շատ հաջողված գործողություններ՝ թիրախավորելով և խոցելով ռուսական ինքնաթիռները։
Արևմտյան պաշտոնյաներից մեկն ասել է, որ հակահարձակումը «ծանր փորձություն է» Ուկրաինայի ու ՌԴ-ի համար, քանի որ երկու կողմերն էլ ծանր կորուստներ ունեն։ Բացի այդ՝ մի քանի պաշտոնյաներ լրատվամիջոցին ասել են, որ անբարենպաստ եղանակը ևս խնդիրներ է ստեղծում ուկրաինական ուժերի համար:
