16.01.2025 | 15:47
Նախորդ տարի մեզ հաջողվել է կրճատել վթարների թիվը․ Արփինե Սարգայան
«Հարցնում եմ՝ պետք է շարունակե՞նք ներդրումները, թե՞ թողնենք գնանք»․ «Լիդան Արմենիա»-ի գործադիր տնօրենը՝ վարչապետին․ ՏԵՍԱՆՅՈՒԹ
Տնտեսություն
06.07.2018 | 12:17
Վարչապետ Նիկոլ Փաշինյանն այսօր «Լիդիան Արմենիա» ընկերության ներկայացուցիչների և բնապահպան ակտիվիստների հետ հանդիպման ժամանակ առաջարկեց մեկ ընդհանուր ձևաչափ և մշակված մեթոդաբանություն՝ գտնելու համար Ամուլսարի ոսկու հանքի խնդրի լուծումը։ «Մենք համաձա՞յն ենք, որ մեր հետագա բոլոր որոշումները հիմնված լինեն գիտականորեն ապացուցված փաստերի վրա»,- քննարկմանը մասնակից երկու կողմերին հարց ուղղեց վարչապետը։
Քննարկման մասնակից բնապահպան ակտիվիստներից մեկը նշեց՝ խնդրի լուծման համար պետք է իրականացվի փորձաքննություն, որը ժամանակատար է ՝ չհամաձայնելով վարչապետի դիտարկման հետ, թե տասը օր կարելի է տրամադրել փաստահավաք խմբի աշխատանքների համար։
Քննարկման մասնակից «Ընդդեմ իրավական կամայականությունների» ՀԿ-ի նախագահ Լարիսա Ալավերդյանն էլ նշեց, որ համամիտ է վարչապետի տեսակետի հետ, որ այս հարցը պետք է լուծվի միայն փաստերի հիման վրա և պահանջեց երկու կողմերից իր ղեկավարած ՀԿ-ին տրամադրել առկա բոլոր փաստաթղթերը։
Վարչապետին իր տեսակետը ներկայացրեց նաև «Լիդիան Արմենիա»-ի գործադիր տնօրենը և նշեց, որ ընկերությունն ունի աշխատանք իրականացնելու թույլտվություն և կրում է դրանից բխող պատասխանատվությունը իր բոլոր աշխատակիցների առաջ. «Հարցը հետևյալն է՝ որքա՞ն կարող ենք սպասել։ Ամեն օրը, որ հնարավորություն չի տալիս մեզ մեր գործունեությունն իրականացնելու, մի քանի հարյուր հազարավոր դոլար է արժենում, իսկ ընկերությունն արդեն հնարավորություն չունի աշխատելու ավելի քան 26 օր։ Հարցնում եմ՝ արդյոք պետք է շարունակե՞նք ներդրումները, թե՞ թողնենք գնանք»։
Վարչապետը նշեց, որ Կառավարությունը որոշումը կկայացնի փաստերի ուսումնասիրությունից հետո, իսկ բնապահպանները հայտնեցին, որ վարչապետի հետ քննարկումից հետո հարցի լուծումը գտնված չէ։
Մանրամասները՝ տեսանյութում։
