02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Ի՞նչ կանեին ադրբեջանցիները, եթե իրե՛նք առերեսվեին շրջափակման․ եվրոպացի պատգամավորը՝ ԵԽԽՎ-ում․ ՏԵՍԱՆՅՈՒԹ
Քաղաքականություն
22.06.2023 | 22:20
Ադրբեջանի կողմից Լաչինի միջանցքի՝ ԼՂ բնակչության կյանքի ուղու շարունակվող շրջափակումն այս բնակչությանը դրել է լիակատար շրջափակման մեջ։ Ծայրաստիճան կարևոր ենթակառուցվածքները ևս միտումնավոր կերպով ավերվել են, այդ թվում՝ գազը, էլեկտրամատակարարումը և հաղորդակցությունը։ Վերջին շրջանում ոչ մի սնունդ, ոչ մի դեղորայք կամ այլ ապրանք չի թույլատրվում մուտք գործել Լեռնային Ղարաբաղ։ Լաչինի միջանցքով ազատ և անվտանգ տեղաշարժի վերաբերյալ ԵԽԽՎ-ում անցկացված քննարկման ժամանակ այս մասին հայտարարել է եվրոպացի պատգամավորը՝ նշելով, որ անգամ անհապաղ բուժման կարիք ունեցող հիվանդներին թույլ չեն տալիս դուրս գալ ԼՂ-ից։
Նա նշել է, որ սա անընդունելի է և խախտում է 2020 թվականին ձեռք բերված եռակողմ պայմանավորվածությունները, Մարդու իրավունքների եվրոպական կոնվենցիան և միջազգային դատարանի որոշումները։
«Անմեղ մարդիկ են տանջվում։ Ի՞նչ կանեին ադրբեջանցիները, եթե իրենք առերեսվեին շրջափակման։ ԼՂ բնակչությունը չի տարբերվում ադրբեջանցիներից, ինչպես չեն տարբերվում մեզանից՝ խորհրդարանականներիցս, նրանք ցանկանում են ապրել նորմալ կյանքով»,- ասել է նա՝ նշելով, որ արգելվել է Փոլ Գավանի հասանելիությունը կարևոր տեղեկատվությանը՝ մուտքը Լեռնային Ղարաբաղ։
«Փոլ Գավանին մերժել են մուտքը Լեռնային Ղարաբաղ, մերժել են մուտքն Ադրբեջան։ Սա հարցեր է առաջացնում։ Ո՞րն է Ադրբեջանի դերակատարությունը Եվրոպայի խորհրդում, երբ նրանք չեն ցանկանում մասնակցել կարևոր մոնիթորինագային առաքելությանը ԵԽ անունից։ Սա նշանակում է, որ Ադրբեջանն այլևս ներգրավված չէ ԵԽ ընթացակարգերին»,- հավելել է պատգամավորը։
Մանրամասները՝ տեսանյութում։
Տաթև Ֆռանգյան
