14.08.2026 | 15:58
Զելենսկին չի կարողանում ԱՄՆ-ում Ուկրաինայի նոր դեսպան գտնել․ Politico
Թուրքիայի ԱԺ նախագահը խոսել է Հայաստանի, Եգիպտոսի և Սիրիայի հետ խորհրդարանական բարեկամական խմբերի ստեղծման մասին
Քաղաքականություն
22.06.2023 | 20:41
Թուրքիայի Ազգային Մեծ ժողովի նորընտիր նախագահ Նուման Քուրթուլմուշը TRT Haber-ին տված հարցազրույցում անդրադարձել է նաև Հայաստանի հետ հարաբերությունների գործընթացին։ Նա, մասնավորապես, խոսել է Հայաստանի Եգիպտոսի և Սիրիայի հետ հարաբերությունների կարգավորման համատեքստում խորհրդարանական բարեկամության խմբերի ստեղծման մասին։
«Մենք խնդիրներ չունենք այն երկրների ժողովուրդների հետ, որոնց հետ քաղաքական խնդիրներ կան։ Նույնիսկ երբ կարծում ենք, որ մեր հարաբերությունները հասել են բեկման կետին, թուրք ազգի մեջ թշնամանք կամ հակամարտություն չկա։ Լարվածություն է եղել մեզանից չբխող պատճառներով, եղել են կետեր, որտեղ հարաբերությունները խզվել են, եղել են ժամանակներ, երբ երկխոսություն չի եղել, բայց, ի վերջո, այս երկրները և մնացած բոլոր երկրների ժողովուրդները մեր բարեկամներն են, ոմանք մեր հարևաններն են, ոմանք՝ մեր եղբայրները»,- ասել է նա։
Քուրթուլմուշը նաև նշել է, թե որպես այս տարածաշրջանների ժողովուրդների հետ բարեկամության բնական արդյունք՝ Թուրքիայի ակնկալիքն է՝ արագորեն լուծել միջանկյալ քաղաքական խնդիրները, հանել այդ հարցերն օրակարգից և ամրապնդել երկկողմ հարաբերությունները։
Էմմա Չոբանյան
