18.03.2026 | 11:46
Ոչ մի երկիր իրավունք չունի իր տարածքը տրամադրել այլ երկրների կողմից ագրեսիվ գործողությունների համար. Արաղչին՝ Բայրամովին
Փարիզի կենտրոնում պայթյունի հետևանքով տուժածների թիվը հասել է 50-ի
Քաղաքականություն
22.06.2023 | 20:28
Շուրջ 50 մարդ է տուծել Փարիզի 5-րդ շրջանում տեղի ունեցած պայթյունի հետևանքով։ Euronews-ի փոխանցմամբ՝ այս մասին հայտնել են մայրաքաղաքի դատախազությունից։
Նշվում է, որ այս թիվը ներառում է նաև հոգեբանական շոկ ապրածներին։ 6 մարդ գտնվում է ծայրահեղ ծանր վիճակում։
Շուրջ 100 քաղաքացիներ չեն կարողանում վերադառնալ իրենց տներ․ որոշ շենքերի պատուհաններն են կոտրվել, մի քանի շենքներ լուրջ վնասվածքներ են ստացել և կարող են փլուզվել։
Բոլոր անհետ կորածները հայտնաբերվել են, սակայն փրկարարները շարունակում են փլատակների ապամոնտաժումը՝ դրանց տակ պատահաբար մնացածների փնտրելով։
Հավելենք, որ Փարիզում պայթյունը տեղի էր ունեցել չորեքշաբթի երեկոյան Փարիզի ամերիկյան ակադեմիայի շենքում՝ Լյուքսեմբուրգի այգուց և Պանթեոնից ոչ հեռու։ Միջադեպի ականատեսները պատմում են, որ պայթյունից առաջ գազի հոտ են զգացել։
Համացանցում պայթյունից և դրան հետևած հրդեհից կադրեր են հրապարակվում։
Տաթև Ֆռանգյան
