Քաղաքականություն
22.06.2023 | 22:55
Թուրքիայի Կենտրոնական բանկը հունիսի 22-ին բարձրացրել է հիմնական տոկոսադրույքը 650 բազային կետով՝ հասցնելով 15%-ի՝ ի հակադրություն նախագահ Ռեջեփ Թայիփ Էրդողանի ցածր տոկոսադրույքների քաղաքականության, գրում է Duvar-ը։
Նոր կառավարիչ Հաֆիզե Գայե Էրքանի օրոք, տարիներ շարունակ հարմարեցված քաղաքականությունից հետո, բանկը փոխել է կուրսը։ Կենտրոնական բանկը հիմնական տոկոսադրույքը վերջին անգամ բարձրացրել էր 2021 թվականի մարտին։
«Դրամավարկային խստացումը կուժեղացվի այնքան, որքան անհրաժեշտ է՝ ժամանակին և աստիճանաբար, մինչև գնաճի հեռանկարի զգալի բարելավում ձեռք բերվի»,- ասել է բանկի քաղաքականության կոմիտեն:
Էրդողանը վերջին երկու տարիների ընթացքում պնդում էր նվազեցնել տոկոսադրույքը, ինչը 2021 թվականի վերջին արժութային ճգնաժամի պատճառ դարձավ։ 2021 թվականին լիրան 44% անկում գրանցեց, իսկ անցյալ տարի՝ 30%՝ չնայած արտարժույթի պահուստներն օգտագործելով արտարժույթի պահանջարկին հակազդելու՝ Կենտրոնական բանկի ջանքերին։
Անցյալ ամիս նախագահական ընտրություններում հաղթելուց հետո Էրդողանն ազդարարել էր, որ պատրաստ է հետ կանգնել իր որդեգրած տնտեսական քաղաքականությունից՝ բարձր գնահատված Մեհմեդ Շիմշեքին նշանակելով ֆինանսների նախարար:
Էմմա Չոբանյան
