10.04.2026 | 23:49
Դմիտրի Մեդվեդևը ՌԴ հասարակագիտության դպրոցական դասագրքերի գլխավոր խմբագիրն է դարձել
Փարիզի կենտրոնում հզոր պայթյունից տուժածների թիվը հասել է 37-ի
Քաղաքականություն
22.06.2023 | 13:13
Փարիզի կենտրոնում բնակելի շենքերից մեկում ենթադրաբար կենցաղային գազի պայթյունի հետևանքով տուժել է առնվազն 37 մարդ, որոնցից չորսի վիճակը ծանր է գնահատվում, գրում է DW-ի ռուսական ծառայությունը։
Դեպքը տեղի է ունեցել նախօրեին՝ Փարիզի 5-րդ թաղամասում, որտեղ գտնվում է Պանթեոնը։
Ականատեսները և հարևան տների բնակիչները պատմել են «ուժեղ պայթյունի» և «գազի հոտի» մասին։
Տեղի իշխանությունների տվյալներով՝ պայթյունից հետո չորս հարկանի շենքում և հարակից կառույցում հրդեհ է սկսվել, որը հանգեցրել է շենքի մասնակի փլուզման։ Փրկարարները երեկոյան շարունակել են փլատակների տակ գտնվող երկու անձանց որոնումները։ Պայթյունի ալիքը կոտրել է 400 մետր շառավղով գտնվող տների պատուհանների ապակիները:
Նշվում է, որ հրդեհաշիջմանը մասնակցել է 270 հրշեջ։ Բացի այդ, ըստ տվյալների, պայթյունը խաթարել է հարևան երկու շենքերի կայունությունը։ Դրանց բնակիչները տարհանվել են փլուզման վտանգի պատճառով։
Էմմա Չոբանյան
