08.10.2026 | 14:21
Չեմ բացառում գերիների հետ փոխանակման տարբերակը, բայց վաղ է այդ մասին խոսելը. ՔՊ-ական պատգամավոր․ ՏԵՍԱՆՅՈՒԹ
Բլինքենն ու Թուրքիայի նորանշանակ ԱԳ նախարարը քննարկել են Հայաստան-Ադրբեջան կարգավորման գործընթացը
Քաղաքականություն
22.06.2023 | 11:55
ԱՄՆ պետքարտուղար Էնթոնի Բլիքենն ու Թուրքիայում նորանշանակ ԱԳ նախարար Հաքան Ֆիդանը նախօրեին Լոնդոնում կայացած հանդիպմանը քննարկել են իրավիճակը Ուկրաինայում, ՆԱՏՕ-ի ընդլայնումն ու երկկողմ կապերը։
Ըստ Անադոլուի դիվանագիտական աղբյուրների՝ երկու երկրների դիվանագետները նաև քննարկել են «Սևծովյան հացահատիկային» նախաձեռնության իրականացումը և Հայաստանի ու Ադրբեջանի միջև հարաբերությունների կարգավորումը։
Հավելենք, որ հանդիպման մասով ԱՄՆ Պետքարտուղարության տարածած հայտարարության մեջ չի նշվում, որ կողմերը քննարկել են Հայաստան-Ադրբեջան կարգավորումը։ Ասվում է, որ «Բլիքենն ու Ֆիդանը քննարկել են մի շարք տարածաշրջանային առաջնահերթություններ»։
Բլինքենը նաև ընդգծել է ՆԱՏՕ-ի միասնականության կարևորությունը նման կրիտիկական ժամանակաշրջանում և խրախուսել է Թուրքիային՝ աջակցել Շվեդիային ՆԱՏՕ-ին միանալու համար:
