08.10.2026 | 12:17
Աշխարհի ու Եվրոպայի չեմպիոն Դավիդ Սիլվան 40 տարեկանում վերսկել է կարիերան
ՀԱՊԿ-ի այլընտրանքը թուրք ենիչերիներն են․ դաշնակցական պատգամավոր. ՏԵՍԱՆՅՈՒԹ
Քաղաքականություն
21.06.2023 | 22:12
ՀՀ ԱԺ «Հայաստան» խմբակցության պատգամավոր Արթուր Խաչատրյանն այսօր անդրադարձել է ՌԴ արտաքին գործերի նախարար Սերգեյ Լավրովի հայտարարությանը, թե ՀԱՊԿ-ը պառակտելու փորձերի են արվում։ Մոսկվայից պարբերաբար հայտարարություններ են հնչում, որ հավաքական Արևմուտքը փորձում է հայ-ռուսական հարաբերությունները վատթարացնել և, ինչպես Լավրովն էր ասել, Ռուսաստանին դուրս քշել Կովկասից։
Արթուր Խաչատրյանի խոսքով՝ Լավրովի՝ ՀԱՊԿ-ը պառակտելու մեղադրանքերը նաև ՀՀ-ին են ուղղված։
«ՀԱՊԿ-ի նկատմամբ մենք էլ որոշակի վերապահումներ ունենք, բայց դա չի նշանակում, որ պետք է շտապել ՀԱՊԿ-ից դուրս գալ, որոնց այլընտրանքը թուրքերն են»,- ասաց ընդդիմադիր պատգամավորը։
Երեկ Մինսկում կայացած ՀԱՊԿ ԱԳ նախարարների հետ հանդիպմանը Բելառուսի նախագահ Ալեքսանդր Լուկաշենկոն էր առաջին հայացքից հայամետ դիրքորոշմամբ ելույթ ունեցել՝ հայտարարելով, որ Հայաստանի դժգոհությունները ՀԱՊԿ-ից հիմնավոր են, և դրանց պետք է արձագանքել ու լուծել խնդիրները։
Արթուր Խաչատրյանի խոսքով՝ Լուկաշենկոն նման մարտավարությամբ փորձում է Մոսկվայից իրեն ձեռնտու զիջումներ կորզել։
Մանրամասները՝ տեսանյութում։
Նարեկ Կիրակոսյան
