14.08.2026 | 15:58
Զելենսկին չի կարողանում ԱՄՆ-ում Ուկրաինայի նոր դեսպան գտնել․ Politico
Չնայած մարտերին՝ ՌԴ-ն շարունակում է պաշտպանական գծեր կառուցել Ղրիմի մատույցներում․ բրիտանական հետախուզություն
Քաղաքականություն
21.06.2023 | 22:49
Բրիտանական հետախուզությունը չորեքշաբթի հրապարակել է նկարներ, որոնք ցույց են տալիս Ռուսաստանի պաշտպանական գծերը Արմյանսկ քաղաքի տարածքում։ Ուկրաինայի հարավում շարունակվում են ծանր մարտերը, գրում է BBC-ի ռուսական ծառայությունը։
Միևնույն ժամանակ, վերջին շաբաթներին Ռուսաստանը շարունակում է զգալի ջանքեր գործադրել խորը թիկունքում պաշտպանական գծեր կառուցելու համար, հատկապես՝ Ղրիմի մատույցներում։ Սա ներառում է 9 կմ երկարությամբ հսկայական ամրացման գոտի՝ Արմյանսկից 3,5 կմ հյուսիս, Ղրիմը Խերսոնի շրջանի հետ կապող նեղ ցամաքի վրա։
Այս պաշտպանական միջոցները լավ մտածված են և ընդգծում են ռուսական հրամանատարության մտավախությունները, որ ուկրաինական ուժերը կարող են ուղղակիորեն հարձակվել Ղրիմի վրա։
Նշվում է, որ Ռուսաստանը շարունակում է թերակղզու նկատմամբ վերահսկողության պահպանումը դիտարկել որպես քաղաքական առաջնահերթություն:
Տաթև Ֆռանգյան
