23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Հայտնի են հայկական թիմերի մրցակիցները եվրագավաթներում
20.06.2023 | 19:44
Հունիսի 20-ին Շվեյցարիայի Նիոն քաղաքում կայացան ՈՒԵՖԱ Չեմպիոնների լիգայի և ՈՒԵՖԱ կոնֆերենցիաների լիգայի որակավորման առաջին փուլի վիճակահանությունները: Այս մասին տեղեկացնում են ՀՖՖ-ից։
Հայաստանի չեմպիոն «Ուրարտուն» կմրցի Բոսնիա և Հերցեգովինայի չեմպիոն «Զրինսկի» թիմի հետ։
Թիմերի առաջին հանդիպումը կկայանա հուլիսի 11-ին կամ 12-ին Երևանում, պատասխան հանդիպումը՝ հուլիսի 18-ին կամ 19-ին։
Կոնֆերենցիաների լիգայի որակավորման առաջին փուլում «Փյունիկի» մրցակիցը կլինի էստոնական «Նարվան», «Արարատ-Արմենիան» կխաղա ալբանական «Էգնատիայի դեմ», իսկ «Ալաշկերտը» կփորձի հաղթահարել չեռնոգորական «Արսենալ Տիվատի» արգելքը:
Թիմերի առաջին հանդիպումները կկայանան հուլիսի 13-ին Երևանում, պատասխան հանդիպումները՝ հուլիսի 20-ին:
Հաշվի առնելով, որ մեր 3 ակումբներն էլ ներկայացնում են Երևանը, հնարավոր է հանդիպման անցկացման օրվա կամ վայրի փոփոխություն ՈՒԵՖԱ-ի կողմից:
