15.09.2026 | 23:14
Հայաստանի մի շարք հասցեներում էլեկտրաէներգիայի անջատումներ կլինեն
Ալիևը ոստիկանության զորքերով ճնշել է սեփական հանքերի դեմ գյուղաբնակների բողոքի ակցիան` ծեծի ենթարկելով նրանց
20.06.2023 | 22:58
Ադրբեջանում Գադաբեյի շրջանի Սոյուդլի գյուղի բնակիչները բողոքի ակցիա են անցկացրել՝ կապված ոսկու արդյունահանման ձեռնարկության գործունեության արդյունքում ջրամբարների առաջացման հետ։ Ցուցարարների խոսքով՝ ջրամբարներում թունավոր նյութեր են կուտակվում, որոնք վնասում են և՛ իրենց, և՛ բնությանը։
Տեղական լրատվամիջոցների հաղորդմամբ՝ իշխանությունները ոստիկանության զորքեր են ուղարկել բողոքավորների ակցիան ճնշելու։ Նշվում է, որ ոստիկաններն արցունքաբեր գազ են կիրառել, մի շարք ցուցարարներ էլ ծեծի են ենթարկվել։ Համացանցում տարածվել են հարձակման ու ծեծի կադրերը։
ՆԳՆ-ն հայտարարություն է տարածել՝ նշելով, թե Սոյուդլի գյուղի մի խումբ բնակիչներ «ապօրինի միջամտել են արհեստական ջրամբարի կառուցմանը»։ Դեպքի առթիվ կատարվում է քննություն:
Հավելենք, որ նշյալ ոսկու հանքերն ու արդյունահանող ընկերությունը պատկանում են Ադրբեջանի նախագահ Իլհամ Ալիևի ընտանիքին։
Էմմա Չոբանյան
