Քաղաքականություն
20.06.2023 | 23:19
Ադրբեջանում Արցախի դեմ սանձազերծված 44-օրյա պատերազմի մասնակիցների շրջանում ինքնահրկիզման հերթական դեպքն է տեղի ունեցել։ Տեղական լրատվամիջոցների հաղորդմամբ՝ Արցախյան պատերազմի մասնակից, 1993 թվականին ծնված Իլկին Տագիևը ինքնահրկիզման փորձ է արել Նաֆթալան քաղաքում՝ իր վրա դյուրավառ հեղուկ լցնելով։
Սոցցանցերում տարածվող տեղեկությունների համաձայն՝ Տագիևն ինքնահրկիզվել է տեղի գործադիր իշխանության շենքի դիմաց։ Նա մարմնի 30 տոկոսի այրվածք է ստացել։
Գերանբոյի շրջանային դատախազություն դեպքի առիթով քննություն է կատարվում։
Հավելենք, որ Ադրբեջանում, ընդհանուր առմամբ, պատերազմի հինգ տանսյակից ավելի մասնակից է կյանքին վերջ տվել, հիմնականում՝ ինքնահրկիզման, կախվելու միջոցով, 50-ից ավելին էլ ինքնասպանության փորձ է կատարել։ Իշխանությունների անտարբերության, սոցիալական, առողջական ու տարբեր խնդիրների չլուծվելու պատճառով պատերազմի մասնակից ադրբեջանցիները նաև պարբերաբար բողոքի տարբեր ակցիաներ են կազմակերպում։
Էմմա Չոբանյան
