10.01.2025 | 23:14
ՊԵԿ նախագահն ընդունել է Հնդկաստանի դեսպանին
ՀԱՊԿ-ը չի ձգտում Եվրասիայում գլխավոր դերի՝ «ի տարբերություն ՆԱՏՕ-ի»․ Լավրով
Քաղաքականություն
20.06.2023 | 19:19
ՀԱՊԿ-ը չի փորձում իրեն գլխավոր դեր վերապահել Եվրասիայում, մինչդեռ Հյուսիսատլանտյան դաշինքն իրեն այդպես է դրսևորում։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։
«ՀԱՊԿ-ը չի հավակնում նրան, որ գլխավոր դեր ստանձնի ամբողջ եվրասիական մայրցամաքում։ Իսկ ՆԱՏՕ-ն դրանով է զբաղվում»,- ՀԱՊԿ անդամ երկրների ԱԳ նախարարներ նիստից հետո ասել է Լավրովը՝ պատասխանելով հարցին՝ արդյո՞ք արժե ՆԱՏՕ-ին հակաշիռ դաշինք ձևավորել կազմակերպության հիմքով։
Լավրովը հավելել է, որ տարիներ առաջ ՀԱՊԿ-ն առաջարկել է Հյուսիսատլանտյան դաշինքին աշխատանքային կապեր հաստատել քարտուղարությունների և համապատասխան կառույցների միջոցով՝ վստահությունը բարձրացնելու, փոխըմբռնումն ամրապնդելու և բարդ խնդիրներին լուծումներ գտնելու համար, քանի դեռ դրանք չեն սրվել և ռիսկեր չեն պարունակել բոլորի համար։ Ռուսաստանցի պաշտոնյան հայտարարել է, որ այդ դիմումներին պատասխանել են մերժումով։
«Չեմ կարծում, որ մենք պետք է ՀԱՊԿ-ին հակակշռող դաշինքի բնույթ տանք, ՀԱՊԿ-ը զարգանում է՝ ելնելով անդամ երկրների օրինական անվտանգության շահերից»,- ասել է ՌԴ ԱԳ նախարարը։
Էմմա Չոբանյան
