15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Չինաստանը բարձր է գնահատում աֆրիկյան դիվանագիտական առաքելության դերը ռուս-ուկրաինական հակամարտության կարգավորման գործում
Քաղաքականություն
20.06.2023 | 20:39
Չինաստանը բարձր է գնահատում աֆրիկյան դիվանագիտական առաքելության դերը ռուս-ուկրաինական հակամարտության կարգավորման գործում: Այս մասին ճեպազրույցում ասել է Չինաստանի ԱԳՆ պաշտոնական ներկայացուցիչ Մաո Նինգը։
Նա նաև ընդգծել է, որ Պեկինը պատրաստ է աշխատել աֆրիկյան երկրների հետ՝ հակամարտության կարգավորման պայմաններ ստեղծելու համար, և կողմերին կրկին բանակցելու կոչ արել, գրում է Կոմերսանտը։
«Չինաստանն աջակցում է ուկրաինական ճգնաժամի կարգավորմանն ուղղված ցանկացած ջանքերի, բարձր է գնահատում աֆրիկյան երկրների ակտիվ դերը, ինչպիսին է Հարավային Աֆրիկան այս հարցում»,- ասել է Չինաստանի ԱԳՆ ներկայացուցիչը:
Մաո Նինգն ընդգծել է, որ Չինաստանի դիրքորոշումն ամբողջությամբ արտացոլում է հրադադարի, ռազմական գործողությունների դադարեցման և իրավիճակի կարգավորման միջազգային հանրության ընդհանուր կոչը։
Տաթև Ֆռանգյան
