05.06.2026 | 09:40
Արմեն Աշոտյանի մասնակցությամբ Բրյուսովի գույքի գործով 7 անձի ձերբակալելու որոշում է կայացվել․ ՔԿ
ՏՏ ոլորտի աշխատողների աշխատավարձի հարկման շեմը 5% դարձնելու նախագիծը հանվել է E-draft հարթակից
Քաղաքականություն
20.06.2023 | 15:42
Օրեր առաջ Էկոնոմիկայի նախարարությունը e-draft հարթակում շրջանառության էր դրել նախագիծ, որով առաջարկվում էր Հարկային օրենսգրքում փոփոխություններ կատարել և տեղեկատվական տեխնոլոգիաների ընկերությունների աշխատակիցների աշխատավարձի գործող հարկման շեմը նվազեցնել և դարձնել 5%։ Նախագիծն այժմ հարթակում չէ․ հղումը չի գործում։ Factor․am-ը փորձեց կապ հաստատել Էկոնիմիկայի նախարար Վահան Քերոբյանի երկու օգնականների հետ, հասկանալու՝ թե ինչու է նախագիծը հանվել իրավական ակտերի նախագծերի հրապարակման միասնական կայքից, արդյո՞ք դա կապ ունի նախագծի շուրջ ծավալված քննադատությունների հետ, սակայն նախարարությունից մեր զանգին չպատասխանեցին։ Արդեն տևական ժամանակ է՝ նախարարը չունի նաև մամուլի խոսնակ։
Նշենք, որ այս պահին Հայաստանում գրանցված աշխատողները վճարում են 20 տոկոս եկամտահարկ։ Էկոնոմիկայի նախարարության նախագիծը վերաբերում էր ՏՏ ոլորտի այն ընկերություններին, որոնց 80 տոկոս և ավելի համախառն եկամուտը հարկային տարվա ընթացքում գոյանում է Հայաստանից դուրս գտնվող աղբյուրներից։ Գերատեսչության` եկամատահարկը 20-ից 5 տոկոս դարձնելու հիմնավորումը արտարժույթի նկատմամբ դրամի զգալի արժևորումն էր, իսկ նախագիծը քննադատողների գլխավոր փաստարկն այն էր, որ ՏՏ ոլորտում առանց արտոնությունների էլ մեծ ակտիվություն կա և արտոնություններ նախընտրելի է տալ այլ ոլորտի տնտեսվարողներին։
Անի Թամրազյան
