06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Բրիտանիայի խորհրդարանը պաշտպանել է Բորիս Ջոնսոնին ստելու մեջ մեղադրող կարգապահական հանձնաժողովի եզրակացությունները
Քաղաքականություն
20.06.2023 | 21:13
Մեծ Բրիտանիայի Համայնքների պալատը մեծամասնությամբ պաշտպանել է խորհրդարանի կարգապահական հանձնաժողովի եզրակացությունները, որոնք նախկին վարչապետ Բորիս Ջոնսոնին մեղադրում են ստելու համար, գրում է Euronews-ը։
Պատգամավորները համաձայնել են, որ նախկին վարչապետը «միտումնավոր մոլորության մեջ է գցել» պատգամավորներին՝ կապված համավարակի ընթացքում Դաունինգ սթրիթ 10 հասցեում կազմակերպված երեկույթների հետ։ Կողմ է քվեարկել 354, դեմ՝ 7 պատգամավոր։
Որպես կարգապահական տույժ նման լուրջ քաղաքական խախտման համար՝ Ջոնսոնը զրկվում է առանց համաձայնության խորհրդարանի շենք այցելելու իրավունքից։ Դեռևս հանձնաժողովի եզրակացությունների հրապարակումից առաջ նա հրաժարվել էր պատգամավորական մանդատից։
Բանավեճը և դրան հաջորդած քվեարկությունը, որի ժամանակ նախկին վարչապետը բախվել է իր կաբինետի նախկին անդամների և իրեն նախորդած Թերեզա Մեյի հետ, բացահայտել են պահպանողականների շարքերի պառակտումը Բորիս Ջոնսոնի ժառանգության շուրջ:
Սա նաև ամբողջ երկրին է զայրացրել, որի բնակիչները համարում են, որ կորոնավիրուսի համավարակի խիստ սահմանափակումների ընթացքում քաղաքական գործիչների երեկույթների մասին հաղոդումներն ապացուցում են, որ ժողովրդի համար կանոնները հավասարապես չեն տարածվում իշխանության մեջ գտնվողների վրա:
Էմմա Չոբանյան
