Հողամասեր ու բնակարան՝ որպես նվեր․ Երևանի փոխքաղաքապետ Գևորգ Սիմոնյանի ունեցվածքը

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Factor.am-ն ուսումնասիրել է Երևանի փոխքաղաքապետ, Առողջապահության նախկին փոխնախարար Գևորգ Սիմոնյանի հայտարարագիրը։

Ըստ ներկայացված տվյալների՝ 2020-2021 թվականներին, երբ զբաղեցնում էր առողջապահության փոխնախարարի պաշտոնը, 3 անշարժ գույքից բաժին է նվեր ստացել, 1 անշարժ գույք նվիրատվություն է ստացել միանձնյա։

Այսպես․ 2021 թվականի վերջին որպես նվիրատվություն ստացել է Երևանի Արաբկիր վարչական շրջանում ավտոտնակի 25 % բաժնային մասը, Կոտայքի մարզի Ջրվեժ թաղամասում հողամասը 25 % բաժնային մասը և Երևանում բնակարանի 55 % բաժնային մասը։ 2020 թվականին նա նվիրատվություն է ստացել Արզնի համայնքում հողամաս։ Այս 3 նվիրատվության գործարքները տեղի են ունեցել 1 ամսում՝ 2021 թվականի դեկտեմբերին։ 2-ը՝ նույնը օրը։ Նվիրատուների անունները չեն նշվում։

Բացի դա, նա 2020 թվականին գնել է Երևանի Մալաթիա-Սեբաստիա համայնքում բնակարան՝ 50 % բաժնային մասով։

2022-ի սկզբին Սիմոնյանի հաշվին եղել է 2 մլն 435 հազար դրամ, տարեվերջին՝ 1 մլն 80 հազար դրամ։ Տարվա ընթացքում նա որևէ անշարժ գույք ձեռք չի բերել կամ օտարել։

Որպես աշխատավարձ Առողջապահության նախարարությունից ստացել է 5 մլն 559 հազար դրամ, Երևանի քաղաքապետարանից՝ 10 մլն 767 հազար դրամ։

2020 թվականի սեպտեմբերից Սիմոնյանը հանդիսանում է «Կաթսաէներգոմոնտաժ» ԲԲԸ-ի 28.5% բաժնետոմսերի սեփականատերը:

Երևանի քաղաքապետարանի լրատվության վարչության պետ Լևոն Սարդարյանը Factor.am-ի հետ զրույցում պարզաբանել է, որ հայտարարագրում վրիպակ է տեղի ունեցել, և Երևանի Արաբկիր վարչական շրջանում ավտոտնակի 25 % բաժնային մասը, Կոտայքի մարզի Ջրվեժ թաղամասում հողամասը 25 % բաժնային մասը և Երևանում բնակարանի 55 % բաժնային մասը Երևանի փոխքաղաքապետըն ստացել է հոր մահվանից հետո՝ 2021 թվականի վերջին, որպես ժառանգություն, ոչ թե նվիրատվություն։ Արզնի համայնքում հողամասը ևս ժառանգություն է եղել։ Իսկ 2020 թվականին Երևանի Մալաթիա-Սեբաստիա համայնքի «Վերածնունդ» թաղամասում բնակարանը՝ 50 % բաժնային մասով, Գևորգ Սիմոնյանը գնել է հիփոթեքային վարկով։

Նշենք նաև, որ Սիմոնյանը մինչև փոխնախարար դառնալը 2019-2020 թվականներին զբաղեցրել է «Այրվածքաբանության ազգային կենտրոն» ՓԲԸ–ի տնօրենի պաշտոնը։

Հիշեցնենք, որ  Հակակոռուպցիոն կոմիտեն քրեական գործ է հարուցել՝ կապված 2020-2021 թվականներին Covid-19 համաճարակի դեմ պայքարի ընթացքում կատարված չարաշահումների հետ։ Գործի շրջանակում կալանավորվել էին առողջապահության նախկին փոխնախարար, այժմ Երևանի փոխքաղաքապետ Գևորգ Սիմոնյանը, ինչպես նաև «Մեդլայն Կլինիկ» ԲԿ–ի տնօրեն Բաբկեն Շահումյանը։ Գործով ներգրավված են առողջապահության ոլորտի ևս 9 ներկայացուցիչներ։

Անժելա Պողոսյան