25.07.2026 | 14:44
Անտոնիու Գուտերեշը ժամանել է Սիրիա
Նախագահ Խաչատուրյանն այցելել է Ֆրաունհոֆերի արտադրական համակարգերի և կոնստրուկցիոն տեխնոլոգիայի ինստիտուտ
Քաղաքականություն
19.06.2023 | 21:10
Գերմանիայի Դաշնություն աշխատանքային այցի շրջանակներում նախագահ Վահագն Խաչատուրյանն այցելել է Ֆրաունհոֆերի արտադրական համակարգերի և կոնստրուկցիոն տեխնոլոգիայի ինստիտուտ: Այս մասին տեղեկացնում են նախագահի աշխատակազմից։
Նախագահն ինստիտուտի տնօրեն, պրոֆեսոր Էքարտ Ուլմանի ուղեկցությամբ շրջել է ինստիտուտում և ծանոթացել վերջինիս գործունեության հիմնական ոլորտներին:
Պրոֆեսոր Ուլմանը նշել է, որ ինստիտուտն ունի 76 մասնաճյուղ և սերտորեն համագործակցում է գիտական կենտրոնների հետ հենվելով գիտական արդյունաբերության զարգացման սկզբունքների վրա:
Հանդիպման ընթացքում ինստիտուտի տնօրենը նշեց նաև, որ հաջողությամբ համագործակցում են նաև Մատենադարանի, Հայաստանի Ամերիկյան Համալսարանի և Ինժեներական քաղաքի հետ, ինչպես նաև ցանկություն հայտնեց փոխգործակցային կապեր հաստատել Թումո կենտրոնի հետ:
Նախագահ Վահագն Խաչատուրյանն իր խոսքում ընդգծեց, որ իր հնարավորությունների սահմաններում լիովին պատրաստ է աջակցել հայ և գերմանացի մասնագետների համատեղ նախաձեռնությունների իրականություն դառնալուն և Հայաստանում գիտական արդյունաբերության ոլորտում գերմանական լավագույն փորձի ներդրմանը:
Հանդիպման ավարտին պայմանավորվածություն ձեռք բերվեց շարունակել հետագա աշխատանքային քննարկումները:
