11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
Ատլանտյան օվկիանոսում անհետացել է «Տիտանիկի» կործանման վայր զբոսաշրջիկների տանող սուզանավը
Քաղաքականություն
19.06.2023 | 20:34
Սուզանավը, որը զբոսաշրջիկներին հասցնում է «Տիտանիկի» կործանման վայր, անհետացել է Ատլանտյան օվկիանոսում։ ԱՄՆ իշխանությունները որոնողափրկարարական գործողություն են սկսել։ Այս մասին հայտնում է BBC-ն՝ հղում անելով Բոստոնի առափնյա պահպանության ծառայությանը։
Սուզանավը որոնելու գործողությունը սկսվել է այսօր՝ հունիսի 19-ին։ Առափնյա պահպանությունը չգիտի, թե քանի մարդ է եղել դրանում։
Փոքր սուզանավերը զբոսաշրջիկներին պարբերաբար տանում են դեպի Ատլանտյան օվկիանոսում գտնվող «Տիտանիկ» խորտակված նավի մոտ: Նման ուղևորությունները տևում են մի քանի օր, գրում է BBC-ն։ Շրջայցի շրջանակում սուզանավերը նաև իջնում են նավի մոտ․ ծովի հատակ իջնելն ու վերելքը տևում է մոտ ութ ժամ։
«Տիտանիկը» խորտակվել է 1912 թվականի ապրիլի 14-ի լույս 15-ի գիշերը՝ Մեծ Բրիտանիայից Միացյալ Նահանգներ ուղևորվելիս։ Զոհերի թիվը գնահատվում է 1495-ից 1635 մարդ, տարհանվածները 712-ն են: Ընդհանուր առմամբ, վթարի պահին նավում եղել է 2208-ից մինչև 2225 մարդ։
Տաթև Ֆռանգյան
