08.04.2026 | 18:27
Ղազախստանից պատվիրակություն է գալիս ՀՀ // Ադրբեջանում երեք երկրաշարժ է եղել․ ԼՈՒՐԵՐ
Էրզրումում հայ-թուրքական հարաբերությունների ուսումնասիրության կենտրոն է բացվել, որը ծառայելու է Հայոց ցեղասպանության թուրքական ժխտողական քաղաքականությանը
Քաղաքականություն
19.06.2023 | 22:17
Թուրքիայի Էրզրում նահանգում այսօր տեղի է ունեցել Թուրք-հայկական հարաբերությունների ուսումնասիրության կենտրոնի բացումը, գրում է Անադոլու գործակալությունը։
Նշվում է, որ կենտրոնի բացմանը, որը կրում է Էրոլ Քյուրքչօղլուի անունը, ելույթով է հանդես եկել Էրզրումի քաղաքապետ Մեհմետ Սեքմենը։ Պատմաբան Քյուրքչուօղլուն իր կյանքի ավելի քան 20 տարին նվիրել է հայ-թուրքական հարաբերությունների թեմային՝ զբաղվելով պատմության կեղծմամբ։
Սեքմենը հայտարարել է, որ, իբր, «հայկական խմբերն Էրզրումում 50,000 խաղաղ բնակչի են սպանել»։ Նա նաև հայտնել է, որ նոր կենտրոնը ծառայելու է Հայոց ցեղասպանության թուրքական ժխտողական քաղաքականությանը։
Էմմա Չոբանյան
