14.08.2026 | 15:58
Զելենսկին չի կարողանում ԱՄՆ-ում Ուկրաինայի նոր դեսպան գտնել․ Politico
Ուկրաինայում պատերազմը դեռ երկար կարող է շարունակվել․ Շոլց
Քաղաքականություն
19.06.2023 | 16:38
Գերմանիայի կանցլեր Օլաֆ Շոլցը խոստովանել է, որ Ուկրաինայի դեմ Ռուսաստանի ագրեսիվ պատերազմը կարող է երկար շարունակվել, գրում է DW-ի ռուսական ծառայությունը։
«Մենք պատրաստվում ենք դրան, և դրա հիման վրա ճշգրտում ենք մեր քաղաքականությունը»,- ասել է նա ՆԱՏՕ-ի գլխավոր քարտուղար Յենս Ստոլտենբերգի հետ մամուլի ասուլիսում՝ հավելելով, որ Գերմանիան կշարունակի աջակցել Ուկրաինային այնքան ժամանակ, որքան անհրաժեշտ է։
Իր հերթին, ՆԱՏՕ-ի ղեկավարն ասել է, որ հուլիսին նախատեսված դաշինքի գագաթնաժողովը կարող է Ուկրաինային մոտեցնել կազմակերպությանն անդամակցելուն։ Յենս Ստոլտենբերգի խոսքով՝ որքան շատ տարածքներ կարողանան ազատագրել ուկրաինացիները հակահարձակման ժամանակ, այնքան ավելի ամուր կլինեն նրանց դիրքերը բանակցությունների սեղանի շուրջ։ Նա նաև ընդգծել է, որ արդար խաղաղությունը չի կարող նշանակել հակամարտության սառեցում։
Տաթև Ֆռանգյան
