06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
Թուրքիայում տեղի է ունեցել Ստամբուլ-Թեհրան-Իսլամաբադ երկաթուղային միջանցքի աշխատանքային խմբի նիստը
Քաղաքականություն
19.06.2023 | 15:33
Թուրքիայում տեղի է ունեցել Ստամբուլ-Թեհրան-Իսլամաբադ երկաթուղային միջանցքի աշխատանքային խմբի 13-րդ հանդիպումը՝ նվիրված ենթակառուցվածքների և տրանսպորտային կարողությունների զարգացմանը և երկաթուղային միջանցքում մասնավոր հատվածի ու Իսլամական զարգացման բանկի ֆինանսական ներդրման ուսումնասիրությանը, գրում է Tasnim գործակալությունը։
Նշվում է, որ այն կազմակերպվել է Թուրքիայի կառավարության և Տնտեսական համագործակցության կազմակերպության քարտուղարության հետ համատեղ՝ Իրանի,Պակիստանի և Թուրքիայի պատվիրակությունների, ինչպես նաև կազմակերպության Առևտրի և զարգացման բանկի, IDB-ի և մասնավոր հատվածի ներկայացուցիչների մասնակցությամբ:
Մասնակիցները քննարկել են Ստամբուլ-Թեհրան-Իսլամաբադ երթուղու հետ կապված մի շարք հարցեր և պահանջներ, ներառյալ միջանցքի երթուղու երկայնքով երկրների միջև ընթացակարգերի թվայնացումը։ Նշվում է, որ հանդիպման մասնակիցները կարծիքներ են փոխանակել երկաթուղային ուղու՝ երկրների ենթակառուցվածքային զարգացման և տրանսպորտային կարողությունների, երկաթուղային միջանցքում բուլղարական մասնավոր հատվածի շահագրգռվածության հետ կապված։
Այս երկաթուղու երկարությունը 6500 կմ է, որից 2570 կմ-ն անցնում է իրանական տարածքով, 2000 կմ-ը՝ Թուրքիայով և մոտ 1900 կմ-ը՝ Պակիստանով։
Էմմա Չոբանյան
